Rasijski śpiavak Šarłot, jaki parvaŭ svoj pašpart, prasiŭ adpravić jaho z kałonii na vajnu
Asudžany ŭ Rasii pa spravie ab reabilitacyi nacyzmu i abrazie pačućciaŭ viernikaŭ śpiavak Eduard Šarłot prasiŭ adpravić jaho z kałonii na vajnu. Pra heta raspavioŭ jaho baćka, paviedamlaje «Novaja hazieta. Jeŭropa».
«Razmova takaja była. Chacieŭ pajechać na vajnu, potym — nie, potym, byccam, znoŭ źjaviłasia takoje žadańnie, ale jamu skazali «nie». Tam było niezrazumieła, u jakaści kaho jon pajedzie», — padkreśliŭ mužčyna.
Paźniej jon udakładniŭ, što pieršapačatkova kałonija była hatovaja padtrymać ideju Šarłota pajechać na front, ale paźniej admoviła z-za niejkich parušeńniaŭ z boku artysta.
U śniežni 2024 hoda sud pryhavaryŭ Šarłota da 5,5 hoda kałonii pa spravie ab reabilitacyi nacyzmu i abrazie pačućciaŭ viernikaŭ. Padstavaj stali čatyry videa: u adnym ź ich jon parvaŭ litaru Z, u druhim — spaliŭ rasijski pašpart, u trecim — prybiŭ vajenny bilet da kryža z partretam Patryjarcha Kiryła, u čaćviortym — «pierarabiŭ tekst pieśni «Dzień Pieramohi» ź jaŭna abraźlivym źmiestam». Śpiavak na peŭny čas pakidaŭ Rasiju i byŭ zatrymany pa viartańni.
U žniŭni Šarłota pieraviali z kałonii-pasialeńnia ŭ papraŭčuju kałoniju z-za taho, što artyst parušaŭ režymnyja patrabavańni i nastrojvaŭ inšych asudžanych na admoŭna skiravanyja pavodziny.
-
Kiraŭnik Hienštaba Polščy: Biełaruś chavaje zabojcu našaha vajskoŭca. Rana ci pozna jon paŭstanie pierad sudom
-
Stała viadoma, čym ciapier zajmajecca machlar i špijon Jan Marsalek, jaki 5 hadoŭ tamu ŭciakaŭ z Aŭstryi ŭ Rasiju praź Biełaruś
-
Tramp zajaviŭ, što Zialenskamu daviadziecca pajści na ździełku
Ciapier čytajuć
Da «Dnia narodnaha adzinstva» pamiłavali 25 čałaviek4
Kamientary