Łukašenka: Biełaruś nie maje dačynieńnia da dronaŭ, što zalatajuć u Polšču abo Litvu
Alaksandr Łukašenka siońnia na ŭručeńni dziaržaŭnych uznaharod zajaviŭ, što drony, vyjaŭlenyja apošnim časam na terytoryi Polščy i Litvy, jakija miažujuć ź Biełaruśsiu, nie źviazanyja ź Minskam.
«Usio, što zalataje ŭ Polšču, Litvu — my nie majem da hetaha nijakaha dačynieńnia», — skazaŭ palityk.
«Kali jany zavyli paśla taho, jak my źbili pałovu bieśpiłotnikaŭ, nie viedajučy, čyje jany, jakija… Źbili — i ŭsio. Niekalki štuk my nie zmahli źniščyć. My vydatkavali vielizarnyja srodki, kab źniščyć hetyja bieśpiłotniki, jakija lacieli nie da nas — lacieli ŭ Polšču. I im paviedamili, kolki, kudy lacić bieśpiłotnikaŭ. My taksama nie viedali, čyje jany: «Rabicie!» Jany heta pryznajuć. Tym nie mienš škodziać. Značyć, u ich jość niejkija namiery. My pavinny ich razhadvać. My ich razhadali. I pavinny hetamu supraćstajać. Nikomu ničoha nie tłumačačy», — dadaŭ Alaksandr Łukašenka.
10 vieraśnia ŭ niebie nad Polščaj byli zafiksavanyja bolš za 20 bieśpiłotnikaŭ, niekalki dronaŭ byli źbityja z udziełam avijacyi Polščy i NATO. 16 vieraśnia polski premjer Donald Tusk paviedamiŭ, što nad dvuma ŭradavymi budynkami ŭ Varšavie byŭ źbity bieśpiłotnik, zatrymanyja dvoje hramadzian, u tym liku adzin hramadzianin Biełarusi, ich matyvy nieviadomyja.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ1717
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ17
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary
On, nie kontrolirujet, v Biełarusi, NI-ČIE-HO !