HUR uziaŭ adkaznaść za vybuchi pad Uładzivastokam: nazyvajuć heta pomstaj vajskoŭcam RF, jakija ŭdzielničali ŭ zabojstvach pałonnych ukraincaŭ
Hałoŭnaje ŭpraŭleńnie raźviedki Minabarony Ukrainy ździejśniła vybuchi ŭ miescy dysłakacyi va Uładzivastoku rasijskich vajskoŭcaŭ, jakija majuć dačynieńnie da vajennych złačynstvaŭ na terytoryi Ukrainy, paviedamiŭ surazmoŭca «Ukrainskaj praŭdy» ŭ vajskovaj raźviedcy.
Bajcy HUR praviali admysłovuju apieracyju ŭ rajonie pasiołka Ščytavaja ŭ Prymorskim krai RF, dzie dysłakujecca 47-j asobny desantna-šturmavy bataljon 155-j asobnaj hvardziejskaj bryhady marskoj piachoty, jaki ŭdzielničaŭ u bajavych dziejańniach pad Kijevam.
Rasijskaja 155-ja bryhada vyznačyłasia asablivaj žorstkaściu ŭ adnosinach da miascovaha nasielnictva i zabivała ŭkrainskich pałonnych, paviedamlaje HUR.
U 9 hadzin ranicy ŭ aŭtorak pa miascovym časie na parkoŭcy vajskovaj čaści adbyŭsia mahutny vybuch, a potym jašče adzin. Na miesca vybuchaŭ prybyli šmat techniki, supracoŭniki śpiecsłužbaŭ i viertalot. Pry ŭjeździe ŭ pasiołak byŭ ačepleny rajon pablizu ad administracyjnych budynkaŭ i aŭtastajanak.
Ruch transpartu ŭ rajonie častkova pierakryli, siłaviki praviarajuć usie aŭtamabili. Pryčynaj vybuchaŭ nazyvajuć nibyta «incydent z hazavym abstalavańniem».
U vyniku śpiecapieracyi HUR va Uładzivastoku, pavodle słoŭ krynicy, jość zahinułyja i paranienyja.
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm14
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary