Siarhiej Cichanoŭski zastajecca ŭ Fłarydzie? Novy fejk kanśpirołahaŭ i prapahandystaŭ
Prapahanda znoŭ pačała tyražavać infarmacyju pra toje, što Siarhiej Cichanoŭski atrymaŭ hramadzianstva ZŠA i zastajecca tam na pastajannaje miesca žycharstva. Jak paćviardžańnie pryvodzicca videa, na jakim palityk trymaje ŭ rukach paśviedčańnie kiroŭcy, vydadzienaje ŭ Fłarydzie. Maŭlaŭ, takoje možna atrymać tolki z dazvołam na žycharstva. Ale heta fejk.
«Siarhieju vydali paśviedčańnie kiroŭcy pa zvyčajnaj vizie i pašparcie. Katehoryja B, na paŭhoda. Bolš za toje, paśviedčańnie kiroŭcy ŭ Fłarydzie atrymaŭ i jaho achoŭnik», — prakamientavaŭ «Našaj Nivie» pres-sakratar palityka Siarhiej Biaspałaŭ.
U videa sam Cichanoŭski raspavioŭ, što vydatkavaŭ na pravy 48 dalaraŭ i try hadziny času.
«Nijakaha praciahłaha navučańnia ŭ aŭtaškole, nijakich miedycynskich daviedak. Test ja zdavaŭ na kampjutary na ruskaj movie, a samo kiravańnie paśla ŭ dvoryku».
Błohier-kanśpirołah Vital «Virus» Kandracienka nie pieršy raz zapuskaje fejk pra pierajezd Cichanoŭskaha ŭ ZŠA, ale tam palityk prosta sustrakajecca z dyjasparaj i miascovymi palitykami pa pytańni vyzvaleńnia palitviaźniaŭ. Taksama zapłanavanaja pajezdka ŭ Kanadu.
-
Siostram Hruździevym nie dazvolili vystupić na hałoŭnym forumie ŭ Dzień adzinstva, a padpisčyki zapadozryli ich u zdradzie
-
Izrail unios u čorny śpis sotni kryptakašalkoŭ, mierkavana, źviazanych ź iranskimi śpiecsłužbami. Zabłakavanyja $1,5 miljona
-
Saša Filipienka: Statkievič — hłyba, ale ŭ Biełarusi ŭžo dastatkova Mandełaŭ na kvadratny mietr
Ciapier čytajuć
«Hubazikaŭcy schilajuć Kaleśnikavu da vysyłki, ale jana nie choča»1
Kamientary