Pad Uładzivastokam adbyŭsia vybuch u vajskovaj čaści: siłaviki šukajuć mahčymych dyviersantaŭ
U rajonie pasiołka Ščytavaja pad Uładzivastokam ranicaj prahrymieŭ mahutny vybuch. Kanał VČK-OHPU śćviardžaje, što vybuch byŭ na terytoryi vajskovaj čaści № 40159, jakaja ŭ aficyjnych dakumientach fihuruje jak «skład».
Pavodle krynic kanała, nieŭzabavie paśla incydentu na miescy źjaviłasia śpiectechnika, siłaviki i viertalot Mi-8. Terytoryja vakoł była častkova ačeplena, a miascovyja žychary zaŭvažyli ŭzmocnienuju prysutnaść palicyi pobač sa škołaj, raźmieščanaj pobač z abjektam.
Aficyjnaja viersija, ahučanaja antyterarystyčnaj kamisijaj, — incydent źviazany z «hazavym abstalavańniem». Adnak miascovyja žychary śćviardžajuć, što nijakaha hazavaha abstalavańnia ŭ čaści niama. Vajskoŭcy ŭ razmovach z hramadzianami nazyvali vybuchi «vučeńniami».
U mai ŭ tym ža rehijonie ŭžo adbyvaŭsia padobny incydent. U tym vypadku nie paviedamlalisia pryčyny vybuchaŭ, ale naziralniki źviazvali situacyju z mahčymaj dyviersijaj.
«Kałaŭra my nie pakryŭdzili»: stała viadoma pra novaje miesca pracy byłoha staršyni Nacbanka3
Kamientary