Kiełah: 19 dronaŭ u Polščy nie mohuć być vypadkovaściu, Pucin ssoŭvaje miežy dazvolenaha
Śpiecyjalny pradstaŭnik prezidenta ZŠA pa pytańniach Ukrainy Kit Kiełah nie ličyć vypadkovaściu ataku rasijskich dronaŭ na terytoryju Polščy, paviedamlaje «Jeŭrapiejskaja praŭda».
«Zalacieła 19 dronaŭ — heta nie moža być vypadkovaściu. Moža być adna iłžyvaja cel, moža dźvie, ale nie 19», — pierakanany jon.
Na dumku Kiełaha, rasijski lidar Uładzimir Pucin «dziejničaje metanakiravana, jon pasyłaje sihnał, i choča pačuć adkaz — ci moža jon jašče dalej pasunuć miažu [dazvolenaha]».
«Vy ŭžo hetaje kino bačyli ŭ Jeŭropie. Pamiatajcie, kali Čembierlen skazaŭ, što prynios mir Jeŭropie, i što było dalej», — dadaŭ hienierał, namiakajučy na zhodu Jeŭropy na kampramisy z Hitleram.
«Kali my nie ŭličym uroki historyi, to my budziem ruchacca da treciaj suśvietnaj vajny», — reziumuje Kiełah.
Adnačasova amierykanski hienierał pierakanany, što zaraz adzinstva zachodnich krain źjaŭlajecca biesprecedentnym.
«Ja nie bačyŭ z časoŭ Druhoj suśvietnaj vajny, kab aljans zachodnich krain byŭ takim mocnym i adzinym», — ličyć jon.
U jakaści prykładu jon zhadvaje vizit u Vašynhton prezidenta Ukrainy Uładzimira Zialenskaha razam ź lidarami viadučych jeŭrapiejskich krain. «Hadoŭ piać ci šeść zusim nie vypadała b spadziavacca na takuju kolkaść i takuju chutkuju reakcyju zachodnich lidaraŭ», — zajaviŭ Kiełłoh.
Pavodle apošnich źviestak, frahmienty rasijskich dronaŭ byli znojdzieny ŭ 17 nasielenych punktach na terytoryi piaci vajavodstvaŭ Polščy, bolš za ŭsio — 10 — u Lublinskim vajavodstvie.
Śpiecyjalny pasłańnik Trampa Kit Kiełah jakraz nakiroŭvaŭsia ŭ Polšču, kali rasijskija drony ŭvarvalisia ŭ pavietranuju prastoru krainy, paviedamlaŭ CNN.
Ciapier čytajuć
Dzie była źnikłaja Jana ŭ svoj apošni dzień i dzie jaje znajšli KARTA1
Kamientary
Raskatyvajtie krasnuju dorožku pieried nim, chłopajtie po pleču, požimajtie ruku i apłodirujtie jemu dalšie.