Ranicaj u čaćvier kala biznes-centra «Niamiha-Sici» minaki mahli zaŭvažyć čarhu. Ludzi stajali ŭ italjanski vizavy centr. Ažyjataž vyklikała akcyja: z 17 pa 30 vieraśnia ŭsie achvotnyja mohuć pasprabavać padać dakumienty pa žyvoj čarzie, piša Onliner.by.
Akcyja pačałasia ŭ sieradu, ale bolšaść achvotnych stali aktyŭničać u čaćvier, i čarha pačała farmiravacca jašče nočču.
U razmovie z žurnalistam Onliner adna ź dziaŭčat raspaviała, što pryjšła na padaču a 5:30 — za 4,5 hadziny da adkryćcia — i akazałasia 13‑j u čarzie.
Ranicaj vałanciory pačali składać śpis žyvoj čarhi, i da dziaviataj ranicy jaho sfarmavali.
«Pradstaŭnica vizavaha centra dazvoliła spačatku ŭnieści ŭ śpis 200 achvotnych, a potym skarekciravała da 150. U vyniku ŭnieśli tolki 132 čałavieki. Kožny atrymaŭ numarok. Śpis zakryli», — raspaviała adna z prysutnych.
Praŭda, kali jany zmohuć padacca, nieviadoma. Adzin z klijentaŭ VC spadziavaŭsia, što za pieršy dzień z hetaha śpisu zmohuć pryniać dakumienty chacia b u 10 čałaviek.
Ciapier čytajuć
«Škada, što ludzi mianie ličać takim idyjotam». Dziadok raskazaŭ, jak jaho zmahli vysačyć paśla piaci miesiacaŭ padpolla3
Kamientary