U Jeŭropie razhladajuć handlovyja miery suprać pastavak rasijskaj nafty pa naftapravodzie «Družba»
U Jeŭrasajuzie abmiarkoŭvajuć mahčymaść uviadzieńnia handlovych abmiežavańniaŭ, nakiravanych na skaračeńnie pastavak rasijskaj nafty ŭ Jeŭropu. Asablivaja ŭvaha nadajecca trubapravodu «Družba», jaki pa-raniejšamu zabiaśpiečvaje Vienhryju i Słavakiju, piša Bloomberg.
Mety hetych mier — skaracić zaležnaść ES ad rasijskaj nafty i stymulavać krainy, jakija jašče impartujuć rasijskuju naftu, pierachodzić na alternatyŭnyja krynicy enierhanośbitaŭ.
U adroźnieńnie ad standartnych sankcyj ES, jakija patrabujuć adnadušnaj padtrymki ŭsich členaŭ, handlovyja miery (naprykład, pošliny) mohuć być uviedzienyja proctaj bolšaściu hałasoŭ, što dazvalaje abyści mahčymyja piarečańni Vienhryi i Słavakii.
Vienhryja i Słavakija — apošnija krainy ES, jakija jašče impartujuć rasijskuju naftu. Raniej jany admaŭlalisia pierachodzić na inšyja krynicy enierhanośbitaŭ i błakavali lubyja inicyjatyvy ES pa abmiežavańni pastavak z Rasii.
Niadaŭna prezident ZŠA Donald Tramp zajaviŭ, što hatovy ŭvieści žorstkija sankcyi suprać Rasii, kali ŭsie krainy NATA pojduć za jahonym prykładam i admoviacca kuplać rasijskuju naftu.
Asnoŭnyja vykliki dla ES u hetym pytańni — uzhadnieńnie pazicyj usich členaŭ adnosna enierhietyčnaj zaležnaści i bałans pamiž palityčnym ciskam na Rasiju dy nacyjanalnymi intaresami krain, jakija pakul zaležać ad rasijskaj nafty.
Premjer Słavakii: My ŭ Jeŭrasajuzie jak žaba
Vienhryja zabaraniła ŭjezd kamandziru ŭkrainskaha padraździaleńnia, adkaznaha za ataki na «Družbu». Hety vajskoviec — etničny vienhr
«Ukrainskija dzieci nie vinavatyja ŭ tym, što robić były akcior». U Vienhryi zajavili, što mohuć spynić pastaŭki elektryčnaści ŭ Ukrainu, ale pakul nie buduć
Zialenski ŭ dobrym nastroi prakamientavaŭ udary USU pa naftapravodzie «Družba» i reakcyju na heta Vienhryi
«Čas pierakryć vientyl». ES paskaraje admovu ad rasijskaha zvadkavanaha hazu
Kamientary