Heta moža pryvieści da DTZ, papiaredžvaje DAI Minska.
Asnoŭnymi faktarami, z-za jakich adbyvajucca DTZ padčas tumanu, źjaŭlajucca niedastatkovaja bačnaść i skažeńnie ŭsprymańnia adlehłaści da transpartnych srodkaŭ i pieraškod.
DAI raić usim udzielnikam darožnaha ruchu prajaŭlać uvažlivaść i stroha prytrymlivacca Pravił darožnaha ruchu. Piešachodam taksama nie varta zabyvać i pra śviatłoadbiŭnyja elemienty.
Kiroŭcam rajać:
- vybirać chutkaść na asnovie bačnaści;
- trymać pavialičanuju dystancyju da aŭtamabila, jaki napieradzie;
- uklučać blizkaje śviatło far, pry nieabchodnaści — procitumannyja;
- dalokaje śviatło ŭ tumanie biessensoŭnaje i paharšaje bačnaść;
- paźbiahać rezkich pierastrajeńniaŭ i tarmažeńniaŭ, ruchacca aściarožna;
- kali ruch niemahčymy, varta spynicca za miežami prajeznaj častki, uklučyć avaryjnuju sihnalizacyju;
- pablizu piešachodnych pierachodaŭ być asabliva ŭvažlivymi, bo piešachody stanoviacca mienš prykmietnymi.
Prafiłaktyka dla piešachodaŭ:
— pierachodzić darohu tolki va ŭstanoŭlenych miescach, pierakanaŭšysia ŭ biaśpiecy vychadu na prajeznuju častku;
— abaviazkova vykarystoŭvać flikiery, kamizelki abo aksiesuary, kab być prykmietnym va ŭmovach abmiežavanaj bačnaści;
— być vielmi ŭvažlivymi i aściarožnymi, nie zalipać u smartfonach;
— pierad pierachodam darohi źniać navušniki i pryapuścić kapiušony, kab čuć i bačyć transpart.
DAI Minskaj vobłaści, u svaju čarhu, paviedamlaje pra składanuju darožnuju abstanoŭku na terytoryi rehijona.
U bolšaj stupieni ŭskładnienaja situacyja na aŭtadarozie M-1 ŭ Smalavickim rajonie, dzie ŭ napramku Barysava na 374‑375 km zafiksavana niekalki darožna-transpartnych zdareńniaŭ.
Ciapier čytajuć
Kruiz na ciepłachodzie «Biełaja Ruś» pa rekach Paleśsia kaštuje jak adpačynak u Turcyi. Ale kajuty na viasnu-leta amal vykuplenyja6
Kamientary