Italija abyšła Narviehiju pa kolkaści zavajavanych miedaloŭ na Alimpijadzie
Na damašnich Zimovych Alimpijskich hulniach italjancy zavajavali ŭ čaćvier čatyry miedali.
Frančeska Łołabrydžyda i Federyka Bryńjonie vyjhrali spabornictvy ŭ zabiehu na kańkach na 5000 mietraŭ i harnałyžnym spusku adpaviedna.
Aryana Fantana vyjhrała srebra ŭ šort-treku na 500 mietraŭ, zbornaja Italii zavajavała bronzu ŭ sannym sporcie.
Zaraz u Italii 17 miedaloŭ na Alimpijadzie (6 załatych, try srebranyja, vosiem bronzavych). U Narviehii — 14 (7+2+5), u ZŠA — 14 (4+7+3), Hiermanii — 9 (4+3+2), Šviecyi — 8 (4+3+1).
Ale pryniata ŭ ahulnym nieaficyjnym zaliku ličyć pa kolkaści załatych uznaharod, tamu Narviehija na aficyjnym sajcie Alimpijady — pieršaja.
Siońnia, u piatnicu, na Alimpijadzie projduć spabornictvy pa łyžnych honkach na 10 km z raździelnym startam u mužčyn (13:45), sprynt u bijatłonie na 10 km u mužčyn (16:00).
Buduć razyhranyja miedali ŭ kańkach na 10 km (18:00), spabornictvy ŭ skieletonie (23:05), dzie moh vystupić adchileny ad spabornictvaŭ Uładzisłaŭ Hieraskievič, a taksama buduć razyhranyja miedali ŭ fihurnym katańni ŭ mužčyn: advolnaja prahrama (21:00), dzie hałoŭnym favarytam ličycca Illa Malinin.
Biełarusy nastupnym razam buduć udzielničać u spabornictvach na Alimpijadzie ŭ aŭtorak, kali projdzie kvalifikacyja pa frystajle.
Ukrainskaha skieletanista Hieraskieviča dyskvalifikavali na Alimpijadzie za šlem z fotazdymkami zahinułych na vajnie spartoŭcaŭ
Ukrainski skieletanist Hieraskievič prakamientavaŭ situacyju sa svajoj dyskvalifikacyjaj na Alimpijadzie
Amierykanski fihuryst vykanaŭ na Alimpijadzie elemient, jaki 50 hadoŭ byŭ zabaronieny, — za jaho nie dajuć bałaŭ, ale hledačy ŭ zachapleńni VIDEA
Kamientary
Daliej, padajecca, nastanie čas amierykancaū... Ci nie ?