Džo Bajden paśla zakančeńnia prezidenctva pieražyvaje finansavyja prablemy
Vydańnie The Wall Street Journal piša, što paśla zaviaršeńnia prezidenckaj kadencyi były prezident ZŠA Džo Bajden sutykajecca z prablemami ŭ tym, kab «kapitalizavać» svoj status, jak heta rabili jaho papiaredniki.
82‑hadovy Bajden raźličvaŭ na tradycyjna prybytkovy pieryjad paśla svajho sychodu ź Biełoha doma — z darahimi kantraktami na knihi, płatnymi vystupleńniami, pryvatnymi fondami i navat mahčymaj prezidenckaj biblijatekaj. Ale realnaść akazałasia bolš ścipłaj.
Pryčyny — stały ŭzrost palityka, jahonaja niepapularnaść unutry demakratyčnaha łahieru i aściarožnaść pry kantaktach ź im biznes-kampanij, jakija bajacca hnievu Donalda Trampa. U vyniku Bajden nie atrymlivaje šmat prapanoŭ na publičnyja vystupleńni, hanarary za jakija aficyjna składajuć ad $300 da $500 tysiač.
Paśla sychodu z pasady Bajden pryznaŭ, što maje kala $800 tysiač asabistych daŭhoŭ, u tym liku pa ipatecy za dom koštam $2,7 miljona.
Dadatkova situacyju ŭskładnili rost padatkaŭ na nieruchomaść i vialikija rachunki za jurydyčnyja pasłuhi, źviazanyja z prablemami syna Chantera. Jon taksama dapamahaje dačce Ešli, jakaja niadaŭna padała na razvod, i starajecca finansava padtrymlivać unukaŭ.
Finansavaje stanovišča siamji častkova stabilizujuć dziaržaŭnyja piensii: Bajden atrymlivaje kala $416 tysiač u hod (u tym liku $250 tysiač jak były prezident i $166 tysiač za hady pracy ŭ Kanhresie i na pasadzie vice-prezidenta). Žonka Džył Bajden pakinuła pracu ŭ kaledžy, dzie atrymlivała $100 tysiač u hod, i ciapier zajmajecca hramadskaj dziejnaściu biez apłaty.
U lipieni Bajden atrymaŭ avans kala $10 miljonaŭ za knihu miemuaraŭ — heta istotnaja dapamoha, ale suma značna mienšaja za anałahičny kantrakt Baraka Abamy ($60 miljonaŭ). Džył Bajden taksama pracuje nad svajoj knihaj, ale pakul nie maje padpisanaj damovy z vydaŭcom.
Akramia finansavych, siamja pieražyvaje asabistyja ciažkaści. U Bajdena dyjahnastavany rak prastaty, jon niadaŭna prajšoŭ i praz apieracyju pa vydaleńni raku skury. Chanter Bajden, akramia daŭhoŭ pierad byłoj žonkaj (zvyš $3 miljonaŭ), straciŭ asnoŭnyja prybytki ad mastactva i knih. Jaho intervju ŭ padkastach navat pryviali da kanfliktu ź Miełanijaj Tramp, žonkaj ciapierašniaha amierykanskaha lidara.
Krytyki adznačajuć, što siamja Bajdenaŭ maje schilnaść da zanadta darahoha ładu žyćcia, asabliva kali chtości inšy apłačvaje rachunki. U toj ža čas blizkija da ich ludzi kažuć: kali žyć bolš ścipła, Bajdeny zdolejuć utrymać finansavuju stabilnaść.
Ciapier čytajuć
Toj samy biełarus, jaki ŭ Polščy pryjšoŭ z pašpartam Novaj Biełarusi mianiać VNŽ, raskazaŭ novyja padrabiaznaści svajoj historyi6
Toj samy biełarus, jaki ŭ Polščy pryjšoŭ z pašpartam Novaj Biełarusi mianiać VNŽ, raskazaŭ novyja padrabiaznaści svajoj historyi
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary