Snoop Dogg zhadziŭsia pravieści kancert u Rasii — praŭda, tolki na zakrytaj viečarynie i minimum za 2 miljony dalaraŭ.
«Baza» daviedałasia rajder chip-chop artysta, jaki jon zapatrabavaŭ u rasijskaha zakazčyka.
Repier hatovy prylacieć tolki na pryvatnym premijalnym samalocie. Fatahrafavać i zdymać jaho, a tym bolš raspaŭsiudžvać materyjały ź viečarynki, stroha zabaroniena — usie ŭdzielniki abaviazanyja padpisać damovu ab nierazhałošvańni. Dla artysta patrabujecca numar u hateli katehoryi nie nižej za 5 zorak.
U hrymiorcy repiera pavinien być PlayStation 1 z kalekcyjaj spartyŭnych hulniaŭ: Madden 99, NBA Live 99, NCAA College 99, Triple Play 99. Da ich nieabchodna čatyry džojściki i vialiki ekran dla hulni ź siabrami.
U hrupy padtrymki pavinna być svaja asobnaja hrymiorka z dušam i prybiralniaj, raźličanaja minimum na 12 čałaviek. Fłuarescentnaje aśviatleńnie niedapuščalnaje — tolki lampy napalvańnia.
Na stoł, raźličany na 16 čałaviek, treba padać smažanuju kurycu, barbiekiu, stravy italjanskaj i mieksikanskaj kuchni, stejki, smažanuju abo zapiečanuju rybu, a taksama aharodninnaje kary. Vykarystańnie płastykavaha i papiarovaha posudu vyklučana — tolki tkanievyja abrusy i survetki.
11 achoŭnikaŭ pavinny vałodać anhlijskaj movaj i być apranutymi ŭ adnolkavyja futbołki. Jany abaviazanyja patrulavać terytoryju parkoŭki, sceny i hrymiorak kruhłasutačna. Luby niebiaśpiečny vypadak pryviadzie da nieadkładnaj admieny šou.
Ciapier čytajuć
«U kapciuroch HPU». Stahodździe niebiaśpiečnaj naiŭnaści i daremnych maraŭ biełaruskaj emihracyi6
Kamientary
100 hod tamu idziejnyja złodziei