Aŭtapen zamiest partreta. U Biełym domie vytančana paździekavalisia z Džo Bajdena
U Biełym domie adkryli novuju ekspazicyju — «Prezidenckaja aleja słavy». Jana raźmiaščajecca kala Avalnaha kabinieta i ŭklučaje partrety byłych prezidentaŭ ZŠA. Ale zamiest partreta Džo Bajdena tam raźmiaścili fotazdymak aŭtapena — pryłady, jakaja aŭtamatyčna stavić podpis, piša vydańnie The Hill.
Ciapierašni prezident ZŠA Donald Tramp i jahonyja prychilniki nieadnarazova krytykavali vykarystańnie Bajdenam aŭtapena, choć hetaj technałohijaj karystalisia i papiarednija prezidenty ad abiedźviuch hałoŭnych amierykanskich partyj. Praciŭniki Bajdena śćviardžali, što častaje vykarystańnie aŭtapena nibyta stavić pad sumnieŭ jaho zdolnaść prymać važnyja rašeńni samastojna.
Sam Bajden i jaho byłyja pamočniki rašuča adprečvali takija abvinavačańni, padkreślivajučy, što ŭsie palityčnyja i pravavyja rašeńni jon prymaŭ asabista.
Tramp raniej užo anansavaŭ ideju z aŭtapenam u intervju vydańniu The Daily Caller.
Novaja «aleja słavy» stała častkaj bolš šyrokich źmienaŭ, jakija Tramp unosić u Bieły dom: jon zamianiŭ hazon u Ružavym sadzie na kamiennuju placoŭku i rasparadziŭsia pabudavać balnuju zału kala Uschodniaha kryła.
Džo Bajden paśla zakančeńnia prezidenctva pieražyvaje finansavyja prablemy
Dačka Džo Bajdena apublikavała fatahrafiju svajho muža, na jakoj jon trymaje za ruku inšuju žančynu, i abviaściła pra razvod
Džo Bajden skazaŭ pra ciomnyja časy, jakija pahražajuć Amierycy z-za Trampa
Džo Bajden pradaŭ pravy na svaje budučyja miemuary za $10 miljonaŭ
Kamientary