Piaskoŭ prakamientavaŭ zajavy pra mahčymuju pastaŭku «Tamahaŭkaŭ» Ukrainie
Maskva čuła zajavy vice-prezidenta ZŠA Džej Dzi Vensa i śpiecpasłańnika prezidenta ZŠA Kita Kiełaha ab mahčymaści pastavak rakiet «Tamahaŭk» Ukrainie, paviedamiŭ pres-sakratar prezidenta Rasii Dźmitryj Piaskoŭ.
Śpikier Kramla nazvaŭ zajavy amierykanskaha boku «vielmi surjoznymi».
«My, sapraŭdy, čuli hetyja zajavy, my ŭvažliva ciapier ich analizujem», — skazaŭ Piaskoŭ.
Pavodle jaho słoŭ, važna razumieć, chto budzie zapuskać i nacelvać hetyja rakiety.
Taksama jon adkazaŭ na pytańnie, jakim budzie adkaz Maskvy ŭ vypadku pastaŭki Ukrainie «Tamahaŭkaŭ».
«Niama nijakaj panacei, jakaja ciapier moža źmianić situacyju na frantach dla kijeŭskaha režymu. Niama čaroŭnaj zbroi. I niachaj heta buduć «Tamahaŭki» ci inšyja rakiety, jany nie zmohuć źmianić dynamiku», — skazaŭ Piaskoŭ.
Śpiecpradstaŭnik Trampa Kit Kiełah paćvierdziŭ, što Uładzimir Zialenski źviartaŭsia da amierykanskaha prezidentie z prośbaj ab atrymańni kryłatych rakiet. Pa słovach Kiełaha, Bieły dom pakul nie pryniaŭ rašeńnie pa hetym pytańni.
Ciapier čytajuć
Mikoła Statkievič pavinšavaŭ biełarusaŭ z Dniom Voli, zapisaŭšy pieršaje VIDEA paśla vyzvaleńnia7
Kamientary