U brytanskim Mančestery kala sinahohi 1 kastryčnika, na jaŭrejskaje śviata Jom-Kipur nieviadomy mužčyna ździejśniŭ napad na ludziej sa śmiarotnymi vynikami.
Pavodle paviedamleńniaŭ, nieviadomy mužčyna spačatku naŭmysna nakiravaŭ svoj aŭtamabil na ludziej, jakija znachodzilisia kala budynka sinahohi. Paśla hetaha jon vyskačyŭ z mašyny i pačaŭ napadać na prysutnych z nažom. U vyniku dva čałavieki zahinuli, jašče jak minimum troje atrymali ranieńni roznaj stupieni ciažkaści.
Palicyja, jakaja apieratyŭna prybyła na miesca zdareńnia, zastreliła napadnika. Da sinahohi taksama vyklikali sapioraŭ — jość padazreńnie, što mahli być i inšyja pahrozy.
Reakcyja na trahiedyju prahučała na samym vysokim uzroŭni. Premjer-ministr Vialikabrytanii Kir Starmier skazaŭ, što jon hłyboka šakavany i aburany hetym napadam. Asabliva jon padkreśliŭ, što toje, što złačynstva adbyłosia ŭ dzień Jom-Kipur — adzin z najśviaciejšych dzion u iudaiźmie, — robić trahiedyju jašče bolš žachlivaj. U suviazi z padziejami Starmier skaraciŭ svoj vizit u Kapienhahien i terminova viartajecca ŭ Łondan, kab uziać udzieł u ekstrannym pasiadžeńni kabinieta ministraŭ.
Bukinhiemski pałac taksama apublikavaŭ zajavu: karol Karł III i karaleva-kansort Kamiła «hłyboka zasmučanyja i ŭražanyja» tym, što zdaryłasia. Jany vykazali spačuvańni siemjam zahinułych i ŭsioj jaŭrejskaj supolnaści, adznačyŭšy, što napad u taki važny i znakavy dzień nanosić asabliva balučy ŭdar.
U Francyi miarkujuć, što śvinyja hałovy da miačeciaŭ padkidali sierby, źviazanyja z Rasijaj
«Inakš nielha, biaśpieka — pierš za ŭsio». Aktoberfest časova zakryli z-za pahroz z boku levaradykałaŭ
Stralanina i vybuchi na poŭnačy Miunchiena: adzin zahinuŭ, adzin paranieny
Padčas teraktu ŭ Ijerusalimie zahinuŭ rabin rodam ź Biełarusi
Kamientary