Kupałaŭski teatr zamiest «Paŭlinki» pakazaŭ prapahandyscki śpiektakl pra «SVA»
U apošni dzień vieraśnia hledačy paviny byli ŭbačyć u Kupałaŭskim teatry «Paŭlinku». Ale zamiest viadomaha śpiektakla ludziam prapanavali prapahandysckuju pastanoŭku pra vajnu ŭ vykanańni akcioraŭ Tomskaha abłasnoha teatra dramy.
Pra zamienu śpiektaklu Kupałaŭski teatr paviedamiŭ za tydzień. Pryčyna źmien u repiertuary źviazana z tym, što 30 vieraśnia płanavali padpisać pahadnieńnie ab supracoŭnictvie pamiž dvuma teatrami.
Nieabchodnaść supracoŭnictva tłumačać histaryčnaj suviaźziu — padčas Druhoj suśvietnaj vajny Kupałaŭski teatr evakuiravali ŭ Tomsk.
Padčas vizitu rasijskaja delehacyja zachacieła aščaślivić biełaruskuju publiku. Dla hetaha abrali prapahandyscki śpiektakl «Čyrvony aboz».
Režysior Alaksandr Dziemčanka dziela manipulacyi vyrašyŭ pravieści paraleli pamiž Druhoj suśvietnaj vajnoj dy vajnoj va Ukrainie, jakuju ŭ Rasii pryniata nazyvać «śpiecyjalnaj vajennaj apieracyjaj».
Pieršaja častka pryśviečana historyi rybakoŭ Narymskaha kraju, jakija ŭ 1942 hodzie adpraŭlali rybu pracoŭnym Kuzbasa.
U druhoj častcy raskazvajecca, što «z pačatkam SVA «čyrvony aboz» rušyŭ iznoŭ». Darečy, z 2023 hoda isnuje fond «Čyrvony aboz. Tomsk — frontu», siarod met jakoha hramadzianska-patryjatyčnaje vychavańnie, dapamoha rasijskim vajskoŭcam i ich siemjam.
Pierad pačatkam śpiektaklu biełaruskich hledačoŭ paprasili rabić fota i videa, vykładać u svaje sacsietki i adznačać Tomski teatr.
Kupałaŭski teatr prapanoŭvaje novuju pasłuhu: ciapier tam možna pabracca šlubam
U Mahilovie idzie śpiektakl 18+, jaki karystajecca šalonaj papularnaściu — hledačy pryjazdžajuć ź inšych haradoŭ
U Kupałaŭskim užo piać hadoŭ nie mohuć znajści akcioraŭ. Što prydumali hetym razam
U Kupałaŭskim teatry adbyłasia pieršaja premjera siezona. Heta trahikamiedyja Dastajeŭskaha ź Niafiodavaj u hałoŭnaj roli
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary
No takije "śpiektakli" taŝiť tuda - eto dno dna
I otdielnyje słova ostavšimsia v tieatrie - kak vam eto, vy hovorili liš by nie było vojny? I hovorili, čto uvolivšijesia uničtožili Kupałovskij. Eto vy uničtožili Kupałovskij! Polakova-Makiej jeŝie katiła bočki na Łatuško, hovoriła, čto jemu nikohda nie prostit. A možno prostiť izvraŝienije nacionalnoho tieatra, ona prostit eto?