Zialenski: Paśla majoj sustrečy z Trampam u nas moža źjavicca niešta bolšaje
Ukraina zapuskaje pa Rasii 100‑150 dronaŭ u dzień, ale paśla sustrečy prezidenta Ukrainy z Trampam jana, mahčyma, budzie mieć bolšyja mahčymaści, zajaviŭ Uładzimir Zialenski padčas sustrečy z žurnalistami pa vynikach samitu ŭ Kapienhahienie. Jon pravodziŭ pres-kanfierencyju sumiesna z premjer-ministarkaj Danii Miete Frederyksen.
«Krychu bolš za hod tamu ŭ nas nie było mahčymaściaŭ dla adkazu. Kali vy pamiatajecie, Rasija ździajśniała błekaŭty va Ukrainie i inšyja žudasnyja rečy. Ciapier u nas jość mahčymaść adkazać. I jany adčuvajuć našy mocnyja adkazy», — skazaŭ Zialenski.
«Jany vykarystoŭvajuć štodnia pa 500‑600 dronaŭ, a my — 100-150. Heta pytańnie finansaŭ. Ja razmaŭlaŭ z partniorami. Pavialičyŭšy finansavańnie, my pavialičym mahčymaści i budziem supastaŭnyja z dalnabojnymi dronami. I ŭ Rasii budzie bolš pytańniaŭ ad svajho hramadstva da svaich lidaraŭ. Heta važna», — adznačyŭ prezident Ukrainy.
«Dahetul my vykarystoŭvali tolki našu dalnabojnuju zbroju dla ŭdaraŭ pa Rasijskaj Fiederacyi. Ale paśla majoj sustrečy z Trampam, mahčyma, u nas źjavicca niešta bolšaje. Ja nie viedaju, pabačym», — padkreśliŭ jon.
Zialenski taksama adznačyŭ, što Ukraina bje pa infrastrukturnych abjektach Rasii nie prosta tak, a adkazvaje ŭdarami paśla atak na svaju terytoryju.
Jon zaklikaŭ uzmacnić cisk na Rasiju i chutka pryniać 19‑y pakiet sankcyj Jeŭrasajuza. U fokusie ŭvahi musić akazacca rasijski tankierny fłot.
Taksama Uładzimir Zialenski padtrymaŭ ideju sumiesnaj jeŭrapiejskaj abarony ad dronaŭ i zajaviŭ pra hatoŭnaść ukrainskich vajskoŭcaŭ z dośviedam pracy z dronami dzialicca viedami.
Cichanoŭskaja pahutaryła ź Zialenskim na samicie ŭ Kapienhahienie
Hienštab USU pryhraziŭ Pucinu błekautam u Maskvie ŭ vypadku praciahvańnia ŭdaraŭ pa enierhietycy Ukrainy
Rasijskija rakiety navučylisia abychodzić Patriot: abarona Kijeva słabieje
«Ja ŭmieju zabivać. Tut mianie za heta nie asudziać». Va USU taksama słužać źniavolenyja, jakija pramianiali turmu na pole boju
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?11
Kamientary