Na darohach nazirajecca śniežny nakat i hałalod. Dziaržaŭnaja aŭtainśpiekcyja prymaje dadatkovyja miery pa biaśpiecy na darohach i zaklikaje hramadzian vykonvać maksimalnuju aściarožnaść na niepradkazalnych zimovych darohach.
Va ŭmovach mocnych apadkaŭ rekamiendujecca maksimalna abmiežavać pajezdki. Ruchacca treba ź biaśpiečnaj dla kankretnaha ŭčastka chutkaściu, pavialičyć dystancyju i bakavy intervał, uklučyć bližniaje śviatło far.
DAI nahadvaje, što razhaniacca, tarmazić i kiravać aŭtamabilem treba płaŭna. Pierad pačatkam ruchu ačyścić aŭto ad śniehu, zapoŭnić bačok ačystki škłopakryćcia niezamiarzalnaj vadkaściu, pierakanacca ŭ spraŭnaści śvietłavych pryboraŭ i sistemy aciapleńnia sałona.
Pry vymušanym spynieńni na prajeznaj častcy treba staracca abaznačyć aŭto ŭ adpaviednaści z PDR i jak maha chutčej pakinuć jaho.
Piešachodam nieabchodna vykarystoŭvać adzieńnie pavyšanaj bačnaści, śviatłoviartalniki, pierachodzić darohu tolki ŭ dazvolenych miescach i tolki paśla pierakanańnia ŭ biaśpiecy. Usim udzielnikam darožnaha ruchu treba być pradkazalnymi dla inšych i prahnazavać dziejańni navakolnych.
Kamientary