U Mazyry zdymajuć «čysty» sieryjał — biez hvałtu, ałkaholu i pošłaści. Usia zdymačnaja hrupa i akciory — miascovyja žychary
Sieryjał pad nazvaj «Lubicie, pakul lubicca!» staŭ padziejaj dla rehijona: na zdymačnuju placoŭku prychodziać siemjami, raspaviadaje miascovy kanał.
U Mazyry zdymajuć sieryjał biez prafiesijnych akcioraŭ, paviedamlaje telekanał «Mazyr». Usia zdymačnaja hrupa składajecca sa zvyčajnych žycharoŭ horada.
Aŭtarka prajekta — režysiorka, scenarystka i pradziusarka Valancina Hierasimava — viarnułasia z Partuhalii, dzie daŭno žyvie, na radzimu.
Jak adznačaje Hierasimava, heta budzie «čysty» film — biez scen hvałtu, ałkaholu i pošłaści.
«U nas niama kureńnia, ałkaholu, nasilla, pošłaści i inšaha», — adznačyła ŭ intervju mazyrskim televizijonščykam Valancina Hierasimava.
U centry siužetu — historyja kachańnia i pryhažości paŭsiadzionnaha žyćcia, źniataja siarod znajomych miescaŭ u Mazyry.
Valancina kaža, što scenaryj karciny dahetul nie dapisany praź nievierahodnuju papularnaść sieryjała ŭ miascovych žycharoŭ. Mazyranie daviedvajucca z tyktoku abo ad siabroŭ pra zdymki i prosiacca na placoŭku cełymi siemjami.
Valancina nie admaŭlaje — tak u filmie źjaŭlajecca ŭsio bolš akcioraŭ.
Premjera «Lubicie, pakul lubicca!» zapłanavana na 2026 hod. Pabačyć sieryjał možna budzie na YouTube.
Čamu my prajhrali ŭ 2020 hodzie? Razvahi Mikoły Dziadka21
Kamientary