U Smalensku vynieśli prysud biełarusu, jaki chavaŭ asablivuju prykmietu za ciomnymi akularami
15 lipienia 2025 hoda ŭ adnoj z rasijskich kałonij-pasialeńniaŭ na Smalenščynie niedaličylisia asudžanaha hramadzianina Biełarusi 56‑hadovaha Vitala Ramazanava. Mužčyna adbyvaŭ pakarańnie za kradziež i naŭmysnaje pryčynieńnie lohkaj škody zdaroŭju (pyrnuŭ nažom svajho sabutelnika), pišuć «Mocnyja naviny».
Uciekača tut ža abviaścili ŭ vyšuk i raspaŭsiudzili pa Smalenskaj vobłaści aryjenciroŭki z apisańniem i fatahrafijaj. Siarod asablivych prykmiet nazyvalisia tatuiroŭki: na śpinie malunak «Isus i mohiłki», na levym plačy malunak «Kobra, karty, čerap», a na paviekach nadpis — «Oni ustali».
Praz 5 dzion Ramazanava zatrymali dziakujučy pilnaści miascovaj žycharki, jakaja pracavała apierataram AZS kala vioski Jermaki.
«Ja vielmi naściarožyłasia, kali za niekalki mietraŭ ad zapraŭki ŭbačyła, jak darohu pierachodzić niejki mužčyna, vysoki, chudarlavy, z zaplečnikam i ŭ soncaachoŭnych akularach. Jon abapiraŭsia na pałku. Da taho času ja ŭžo, viadoma, bačyła aryjenciroŭki pra vyšuk asudžanaha ŭ horadzie i sacsietkach», — raskazała žančyna.
Jaje ŭčynak paźniej adznačyli padziakaj i kaštoŭnym padarunkam. A ŭciakač atrymaŭ čarhovuju sudzimaść.
Jak paviedamlaje pres-słužba Smalenskaha rajonnaha suda, Ramazanava pryznali recydyvistam i za ŭcioki z kałonii prysudzili da 2 hadoŭ pazbaŭleńnia voli z adbyvańniem pakarańnia ŭ kałonii strohaha režymu. Charakterna, što za kradziež i «zabavu» z nažom mužčynu spačatku prysudzili da 1 hoda 7 miesiacaŭ pazbaŭleńnia voli ŭmoŭna. Paśla jon parušyŭ praviły nahladu i byŭ adpraŭleny ŭ kałoniju-pasialeńnie. Adnak i tam nie ŭsiedzieŭ, choć u takich ustanovach asudžanyja ŭtrymlivajucca biez achovy pad nahladam administracyi, a ŭ čas ad padjomu da adboju karystajucca pravam svabodnaha pieramiaščeńnia pa terytoryi.
Što tyčycca asablivaj prykmiety ŭciekača, jakuju jon chavaŭ pad akularami, to jana adnosicca da tak zvanych turemnych tatuirovak. Zvyčajna, praŭda, jaje nanosiać na nohi, a nie na pavieki.
Vieteran «SVA» i były čynoŭnik Smalenščyny zažyva zhareŭ u aŭtadomie ŭ svoj dzień narodzinaŭ
Pamiž Viciebskam i Smalenskam znoŭ pačnie chadzić pramy dyzielny ciahnik
Archieołahi znajšli ŭ Smalensku kniažacki choram XII stahodździa. Takija ž znachodzili ŭ Połacku i Hrodnie
Na Smalenščynie spalili 500 ekvadorskich ružaŭ, jakija pryvieźli ź Biełarusi
Ciapier čytajuć
Sprava Softkłuba: zatrymany patryjarch biełaruskaha IT Uładzimir Sirotka i niekalki top-mieniedžaraŭ. Jany padaryli nam ARIP12
Kamientary