«Jana zachodzić i bačyć, što tam napisana nie «Bryžyt Makron», a «Žan-Mišel, viadomy jak Bryžyt Makron».
Jašče ŭ vieraśni 2024 hoda ŭ Jelisiejskim pałacy vyjavili, što ŭ bazie padatkovaj słužby pieršuju łedzi Francyi Bryžyt Makron nazvali mužčynskim imiem — na fonie raspaŭsiudžanaj teoryi zmovy ab jaje nibyta transhiendarnaści.
Pra heta stała viadoma z dakumientalnaha filma BFMTV, piša «Jeŭrapiejskaja praŭda».
U apublikavanym uryŭku havorycca, što Bryžyt Makron bolš za hod tamu pry ŭvachodzie ŭ asabisty kabiniet na sajcie padatkovaj słužby zaŭvažyła, što zamiest jaje imia tam było paznačana imia jaje brata.
«Jana zachodzić i bačyć, što tam napisana nie «Bryžyt Makron», a «Žan-Mišel, viadomy jak Bryžyt Makron», — raskazaŭ u filmie kiraŭnik aparata pieršaj łedzi Francyi Trystan Brame.
Pavodle jaho słoŭ, Jelisiejski pałac surjozna pastaviŭsia da situacyi, a sama Bryžyt Makron padała skarhu, pakolki imia na sajcie padatkovaj słužby, chutčej za ŭsio, źmianili jaje ŭnutranyja supracoŭniki. U vyniku vyznačyli asoby dvuch padazravanych.
U filmie adznačajecca, što ahułam u spravie ab «ličbavym pieraśledzie» Bryžyt Makron fihurujuć dziesiać padazravanych. Ich dapytajuć na nastupnym tydni ŭ kryminalnym sudzie Paryža.
Tezis pra toje, što pieršaja łedzi Francyi nibyta źjaŭlajecca tranśpiersonaj, užo nie pieršy hod raspaŭsiudžvajuć adepty teoryj zmovy.
U lipieni muž i žonka Makrony padali isk suprać amierykanskaj ultrapravaj błohierki Kendzis Oŭens, jakaja śćviardžaje, što Bryžyt nasamreč źjaŭlajecca mužčynam. U sudzie jany źbiralisia pryvieści navukovyja dokazy, što pieršaja łedzi Francyi źjaŭlajecca žančynaj.
Kamientary
Nazva artykuła nie adpaviadaje źmiestu. Kali pa faktach, to nazva maje być " "Žonka Markona zapisana ŭ bazie padatkovaj słužby pad imiom jaje brata".
======
Dyk chaj źvinavačanyja dakazvajuć, što jana mužčyna. Raz takoje śćviardžajuć.