Partyja Chaŭjera Mileja damahłasia važnaj pieramohi na pramiežkavych vybarach
U niadzielu ŭ Arhiencinie prajšli pramiežkavyja vybary, pa vynikach jakich buduć abranyja 127 deputataŭ i 24 sienatary. Hałoŭnym siurpryzam vybaraŭ stała pieramoha «Svaboda nastupaje» (La Libertad Avanza) u pravincyi Buenas-Ajres — hałoŭnaj vybarčaj akruzie krainy, piša VVS.
Buenas-Ajres doŭhi čas byŭ palityčnym apłotam asnoŭnych apanientaŭ Mileja — kaalicyi «Siła Radzimy», u jakuju ŭvachodziać były prezident Kryścina Fiernandes de Kiršnier i hubiernatar pravincyi Aksiel Kisilof. Ciapier ža pa vynikach pramiežkavych vybaraŭ partyja «Svaboda nastupaje» nabrała ŭ pravincyi Buenas-Ajres 41,5% hałasoŭ, u toj čas jak kaalicyja «Siła Radzimy» atrymała 40,8%.
Nacyjanalnaja vybarčaja pałata paviedamiła, što niahledziačy na abaviazkovaść hałasavańnia, na ŭčastki pryjšło kala 68% vybarščykaŭ — heta samy nizki pakazčyk na nacyjanalnych vybarach z 1983 hoda.
Kamientary
Jak viadoma, z-pad piara Kuźnieca, ekanamisty ličać Arhientynu asobnaj ekanamičnaj katehoryjaj.
Hieahrafična dalokaja ad vialikich rynkaŭ kraina, jakaja zaležyć ad źniešniaha handlu i inviestycyj, struktura aktyvaŭ i instytutaŭ nahadvaje francirnuju ekanomiku 19-ha stahodździa (ahrasiektar, bujnoje ziemleŭładańnie = vysokaja kancentracyja aktyvaŭ i nizkija/nulavyja padatki na ich), nizkaja baza źbieražeńniaŭ nasielnictva z tradycyjna vysokaj inflacyjaj (z-za šokaŭ źniešnaha handlu). Usio 20-je stahodździe ekśpierymientavała i z pravym, i ź levym papulizamam z adnolkava razhromnym vynikam.
I navat u zahałoŭku nie napisana, što pieramahła "partyja pravaha prezidenta" jak va ŭčorašniaj navinie pra Irłandyju.