Minčuka, jaki źbivaŭ staršyniu sadovaha tavarystva i adsiek joj palcy, asudzili na 18 hadoŭ

Žachlivaja historyja adbyłasia 12 śniežnia 2024 hoda. 63‑hadovy žychar Minska na praciahu doŭhaha času źbivaŭ staršyniu praŭleńnia sadovaha tavarystva ŭ jaje ž sadovym domiku. Tak jon vykazvaŭ svajo niezadavalnieńnie z-za adklučeńnia elektraenierhii pa voli staršyni, paviedamlaje «Minskaja praŭda».

Jon nanios 44‑hadovaj žančynie nie mienš za 31 udar pa roznych častkach cieła, u tym liku pa žyćciova važnych orhanach, ciahaŭ jaje za vałasy i adzieńnie, z dapamohaj elektryčnaha kabiela dušyŭ, prykładvaŭ nož da jaje vucha i voka.

Mužčyna źbivaŭ siakieraj, plaškaj i elektryčnym čajnikam, taksama hramiŭ majomaść u domie i pahražaŭ zabojstvam

Arciom, adzin z členaŭ sadovaha tavarystva, niejak pačuŭ kryki ab dapamozie i prybieh na miesca zdareńnia. Adnak, niahledziačy na źjaŭleńnie śviedki, abvinavačvany na vačach u susieda adsiek paciarpiełaj palcy pravaj kiści.

Mužčynu było vystaŭlena abvinavačańnie ŭ zamachu na zabojstva z asablivaj žorstkaściu asoby ŭ suviazi z ažyćciaŭleńniem joj słužbovaj dziejnaści, heta značyć u ździajśnieńni złačynstva, praduhledžanaha č. 1 art. 14, p.p. 6, 10 č. 2 art. 139 Kryminalnaha kodeksa.

Abvinavačvany, spasyłajučysia na kiepskuju pamiać, nie moh uspomnić niekatorych abstavin taho, što adbyłosia, svaju vinu jon faktyčna nie pryznaŭ. Ale ŭ svaim apošnim słovie prasiŭ prabačeńnia i skazaŭ, što nie chacieŭ zabivać žančynu.

Stan paciarpiełaj Haliny pakul bieź źmienaŭ, daktary pryšyli joj palcy.

Pavialičyć

— Mnie treba budzie jašče dźvie apieracyi. I ŭžo paśla ich budzie niešta bolš-mienš zrazumieła nakont taho, ci zmahu ja karystacca palcami ruki. Maralny stan moj, kaniečnie, pakidaje žadać lepšaha. Nu, taksama spadziajusia, što budzie lepšy. Što da prysudu, to, kaniečnie, bolš za ŭsio ja chacieła b, kab usiaho hetaha nie adbyłosia. I kab my ciapier tut nie stajali, i prysud hety ŭvohule nie słuchali, ale vynik, kali možna tak skazać, mianie navat nie stolki ŭzradavaŭ, kolki supakoiŭ, bo ŭ mianie byli ŭsie padstavy bajacca taho, što hety čałaviek daviadzie raspačataje da kanca, i tym bolš jon sam pra heta kazaŭ: «Ja ciabie ŭsio roŭna zabju», — kaža žančyna. Bližejšaja apieracyja pryznačanaja na 23 śniežnia, i potym pavinna prajści ad paŭhoda da hoda, tolki tady možna budzie rabić nastupnuju, kab ničoha nie parušyć. 

— Złačynny namier na zabojstva paciarpiełaj abvinavačvany nie davioŭ da kanca pa niezaležnych ad jaho pryčynach, bo joj była akazana kvalifikavanaja miedycynskaja dapamoha, — zajaviła staršy prakuror adździeła prakuratury Minskaj vobłaści pa nahladzie za adpaviednaściu zakonu sudovych rašeńniaŭ pa kryminalnych spravach Kaciaryna Judo.

Pa słovach dziaržaŭnaha abvinavaŭcy, z ulikam dokazaŭ, jakija byli joju pradstaŭleny, prysud byŭ pastanoŭleny abvinavaŭčy, i mužčynu dali 18 hadoŭ pazbaŭleńnia voli z adbyvańniem pakarańnia ŭ papraŭčaj kałonii ŭzmocnienaha režymu.

• 2
• 0
• 2
• 1
• 3
• 0
• 2
• 0