Inicyjatyvu Siarhieja Bulby «Robim razam» vysielili z varšaŭskaha pamiaškańnia za doŭh u amal 23 tysiačy dalaraŭ
«Robim razam» vyzvaliła pamiaškańnie jašče 29 žniŭnia, ciapier varšaŭskija ŭłady płanujuć praz sud spahnać zapazyčanaść pa arendzie, piša «Biełsat».
Jak piša «Biełsat» sa spasyłkaj na miascovyja ŭłady, damova na pamiaškańnia ŭ inicyjatyvy była da 12 kastryčnika 2024 hoda. Hetaja damova nie była praciahnutaja praz vysokuju zapazyčanaść.
«Adnak arhanizacyja zajmała pamiaškańnie biez zakonnaha prava z 13 kastryčnika 2024 hoda da 29 žniŭnia 2025 hoda. 29 žniŭnia arhanizacyju vysielili z pamiaškańnia», — śćviardžajuć čynoŭniki.
Pa ich słovach, na 30 vieraśnia 2025 hoda zapazyčanaść pa arendzie pamiaškańnia skłała 85 221,32 złotyja (kala 23 tysiač dalaraŭ). Jaje płanujuć spahnać u sudovym paradku.
Sam Bulba kaža, što damovu arendy ŭłady nie praciahnuli nie praz zapazyčanaść, a praz ananimnyja skarhi:
«Na toj momant zapazyčanaść była kala 40 tysiač złotych, jakuju my zakryli. My tady zrabili zbor na polskich placoŭkach, my sabrali, my ŭsio heta zakryli. Dyj 40 tysiač — nie tyja hrošy, za jakija vyhaniajuć. Heta ž nie miljonnaja zapazyčanaść. Tak što my ŭpeŭnienyja, što heta ŭsio-taki metanakiravanaja rabota. Dvanaccać skarhaŭ, na peŭnym etapie pajšli deputackija zapyty».
Bulba śćviardžaje, što były kiraŭnik jurydyčnaj asoby, jakaja pracavała ŭ centry Varšavy, Aleś Łapko «ŭmudryŭsia vyvieści 110 tysiačaŭ». Bulba płanuje spahnać hetyja hrošy, kab viarnuć daŭhi za pamiaškańnie.
Zaraz pamiaškańnie pustuje.
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju77
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju7
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary
[Zredahavana]
- Nie, my tolki hrošy dzielim.