«Jašče adna dyviersija ŭ Jeŭropie na naftapierapracoŭčym zavodzie». Dla čaho hety novy fejk prapahandy?
Uviečary 22 kastryčnika rasijskija i łukašenkaŭskija ŚMI apublikavali infarmacyju pra pažar na NPZ u Słavakii. Dla čaho?
«U Bracisłavie haryć naftapierapracoŭčy zavod, jaki naležyć vienhierskaj MOL i pierapracoŭvaje rasijskuju naftu, jakaja pastupaje pa naftapravodzie «Družba». Pryčyny incydentu vyśviatlajucca», — takaja navina ablacieła ŭčora ŭviečary ŭsie rasijskija i łukašenkaŭskija ŚMI i źjaviłasia ŭ sacyjalnych sietkach.
Nie abyšoŭ jaje ŭvahaj i kanał «Biełorusskij siłovik», jaki źviazvajuć z łukašenkaŭskimi siłavymi strukturami.
«Nonsens: jašče adna dyviersija ŭ Jeŭropie na naftapierapracoŭčym zavodzie, na hety raz u stalicy Słavakii horadzie Bracisłavie», — napisali redaktary kanała i supravadzili infarmacyju zdymkam.
Adnak našy sproby znajści hetuju infarmacyju ŭ słavackich ŚMI nie dali vyniku.
Asobnyja rasijskija ŚMI dali spasyłku na internet-vydańnie Cznews.info, jakoje zusim nie padobnaje da surjoznaha resursu. Tak, u raździele navin sajta vidać, što da 22 kastryčnika apošni raz materyjały tam publikavalisia 11 vieraśnia i 27 lipienia. Pry hetym naviny vychodziać jak na ruskaj, tak i na anhlijskaj movach.
Siońnia navinu na Cznews.inf padkarektavali, dadaŭšy radok: «Hetaja infarmacyja nie była paćvierdžanaja aficyjnymi krynicami. Prynosim prabačeńni za niazručnaści».
U toj čas jak asobnyja rasijskija ŚMI, naprykład, RBK, paviedamili, što «Naftakambinat Slovnaft abvierh infarmacyju ab pažary na zavodzie ŭ Słavakii», ani «Biełorusskij siłovik», ani inšyja anałahičnyja kanały nie paličyli patrebnym raźmiaścić abviaržeńnie.
Dla čaho patrebny takoha rodu ŭkid? Mahčyma, dla apracoŭki hramadskaj dumki: hladzicie, nie tolki ŭ Rasii naftapierapracoŭčyja zavody harać. I hladzicie, jakija ŭkraincy: navat u Jeŭropie dyviersii arhanizoŭvajuć.
U Jeŭropie ŭ adzin dzień zaharelisia dva NPZ, jakija atrymlivajuć rasijskuju naftu
Kanał «Biełorusskij siłovik» nastolki prarasijski, što mnohija mierkavali: heta rasijanie jaho viaduć. Nie, za im staić supierahient Łukašenki
Kanał «Biełorusskij siłovik» zasypany rekłamaj viarboŭki na vajnu va Ukrainie
Ciapier čytajuć
Jeździli šukać navat u BSSR, a nieapaznanaje cieła 30 hadoŭ lažała ŭ śpiecschoviščy. Novyja detali zahadkavaha źniknieńnia ŭ ZŠA biełaruskaha piśmieńnika Mikoły Celeša22
Kamientary