Zasnavalnika partałaŭ pa arendzie žytła asudzili za palityku. Jahonyja prajekty — «Kvatery dla vas» i «TutKut»
Siarhiej Rabcaŭ šmat hadoŭ raźvivaŭ biełaruskija servisy pošuku kvater na sutki i stvaraŭ IT-rašeńni dla aŭtamatyzacyi biznesu arendadaŭcaŭ — kdv.by (Kvatery dla vas) i tutkut.by. Niadaŭna jaho asudzili pa palityčnym kryminalnym artykule i kinuli za kraty.
Siarhiej Rabcaŭ naradziŭsia ŭ 1981 hodzie. Jon rodam sa Žłobina, ale apošnim časam žyŭ u Minsku. U 2003 hodzie mužčyna atrymaŭ vyšejšuju adukacyju: jon skončyŭ aŭtatraktarny fakultet Biełaruskaha nacyjanalnaha techničnaha ŭniviersiteta.
Karjera Rabcava pajšła zusim inšym šlacham — jon staŭ prykmietnaj fihuraj u śfiery nieruchomaści.
Rabcaŭ viadomy jak suzasnavalnik i idejny natchnialnik biełaruskich partałaŭ pa arendzie kvater na sutki tutkut.by i kdv.by («Kvatery dla Vas»). Siarhiej nie prosta zdavaŭ žyllo: jon byŭ adminam bujnych tematyčnych supolnaściaŭ dla tych, chto pracuje ŭ hetaj śfiery ŭ Biełarusi i Rasii. Taksama jon źjaŭlajecca saŭładalnikam kampanii «Ełodžyn» (Alodging), jakaja raspracavała mabilny dadatak dla aŭtamatyzacyi biznes-pracesaŭ arendadaŭcaŭ. Kampanija imkliva raźvivałasia i navat mieła partniorskija prahramy z bujnymi płaciežnymi sistemami nakštałt WebPay.
Paśla pačatku poŭnamaštabnaj vajny va Ukrainie biznesoviec emacyjna vykazvaŭsia ŭ sacsietkach. «Zastavajciesia ŭsie žyvymi! Hetaja vajna nikomu nie patrebnaja. Ni RB, ni RF, ni Ukrainie. Hinuć ni ŭ čym nie vinavatyja ludzi. Kali ŭ ciabie troje dziaciej i jany adzin adnaho zabivajuć? Hora ahulnaje», — pisaŭ Siarhiej u kancy lutaha 2022 hoda.
U Siarhieja jość siamja i dvoje dziaciej-padletkaŭ.
Rabcava aryštavali ŭ druhoj pałovie 2025 hoda. Jaho asudzili ŭ Minskim haradskim sudzie pavodle častak 1 i 2 artykuła 361‑4 Kryminalnaha kodeksa (sadziejničańnie ekstremisckaj dziejnaści).
Ciapier mužčyna ŭ źniavoleńni — u kałonii ci na «chimii» z nakiravańniem. U sacsietkach jon tak i nie źjaviŭsia anłajn.
«Naša Niva» — bastyjon biełaruščyny
PADTRYMAĆCiapier čytajuć
Časam niečakanaja historyja biełaruskich himnaŭ: «My vyjdziem ščylnymi radami», «Pahonia», «Žyvie Biełaruś», «Radzima maja darahaja», «Mahutny Boža» (ź VIDEA)1313
Kamientary
Včieraś, na skotnom dvorie KNDR, byli spłošnyje obnimaški....