Na litoŭskaj miažy stajać 1600 hruzavikoŭ, jana zakryta da 12:00
Ruch praz aŭtamabilnyja punkty propusku na biełaruska-litoŭskaj miažy Litva ŭčora viečaram znoŭ zakryła paśla taho, jak na terytoryju krainy zalacieli mieteazondy z kantrabandaj.
Transpart, jaki nakiroŭvajecca ź Biełarusi praz punkty propusku «Miedniki» (sumiežny biełaruski — «Kamienny Łoh») i «Salečniki» («Bieniakoni»), litoŭcy nie prymajuć z 21.40, apošniuju mašynu na ŭjezd u našu krainu aformili ŭ 00.00, paviedamiŭ biełaruski Mytny kamitet.
Zaraz u elektronnaj čarzie na vyjezd ź Biełarusi ŭ ukazanych punktach propusku ŭžo zarehistravana zvyš 1600 hruzavych transpartnych srodkaŭ.
U «Kamiennym Łohu» pa stanie na vośmuju ranicu stajać 50 lehkavych aŭtamabilaŭ i šeść aŭtobusaŭ, u «Bieniakoniach» — 60 lehkavych aŭtamabilaŭ.
Litva ŭčora zajaviła, što adkryje punkty propusku siońnia a 12.00.
Mietearałahičnyja zondy z kantrabandaj pierasiekli litoŭskuju miažu ŭ rajonie Salečnikaŭ i Druskienikaŭ — z boku Hrodna, Lidy. Praz šary pracu spynili aeraporty Vilni i Koŭna, a miažu ź Biełaruśsiu začynili.
Praca aeraportaŭ była adnoŭlena pad ranicu.
Pra toje, što miažu buduć zakryvać aŭtamatam u vypadku paŭtareńnia situacyi z šarami, Litva papiaredžvała paśla papiaredniaha takoha incydentu zaŭčora, u sieradu 22 kastryčnika.
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary