Polšča prybrała častku pieraškod na pamiežnym pierachodzie «Kuźnica»
Miarkujučy pa kadrach, na polskim baku źnikli supraćtankavyja «vožyki».
Polšča, vierahodna, prybrała častku zaharod na pamiežnym pierachodzie «Kuźnica» («Bruzhi» — ź biełaruskaha boku), paviedamiŭ telehram-kanał «Naša hranica».
Na anłajn-kamiery DPK na ŭjezd u Biełaruś z boku Polščy ŭsio jašče bačnyja zaharody, ale ich stała mienš u paraŭnańni z kadrami, jakija byli apublikavany ŭ sakaviku 2023 hoda.
Miarkujučy pa kadrach, na polskim baku źnikli supraćtankavyja «vožyki».
Učora pradstaŭnik urada Polščy Adam Šłapka paviedamiŭ, što dasiahnuta damoŭlenaść adkryć pamiežnyja pierachody «Kuźnica» i «Babroŭniki» na polska-biełaruskaj miažy prykładna ŭ siaredzinie listapada.
Pavodle jaho słoŭ, da takoj damoŭlenaści pryjšli premjer— ministr Polščy Donald Tusk i premjer-ministr Litvy Inha Ruhinienie.
Jon dadaŭ, što adkryćcio pamiežnych pierachodaŭ ź Biełaruśsiu płanavałasia ažyćciavić raniej, adnak litoŭski bok u razmovie z premjeram Tuskam uźniaŭ pytańnie napružanaści na svajoj miažy. U sieradu Litva zakryła miažu ź Biełaruśsiu da 30 listapada.
Nahadajem, što pamiežny pierachod u «Kuźnicy» byŭ zakryty ŭ listapadzie 2021 hoda paśla taho, jak mihranty stali šturmavać polskuju miažu, u «Babroŭnikach» — u lutym 2023 hoda paśla taho jak žurnalista Andžeja Pačobuta asudzili na vosiem hadoŭ.
Na biełaruska-polskaj miažy dziejničaje tolki pierachod «Brest-Tarespal» dla lehkavoha transpartu dy aŭtobusaŭ i pierachod «Kazłovičy-Kukuryki» dla hruzavoha transpartu.
Kamientary
Bajusia kab zaraz što nie zdaryłasia