Na minułych vychodnych trenier škoły futbolnaha kłuba «Isłač» Uładzisłaŭ Marozaŭ vyrašyŭ svoj los: jon i jaho dziaŭčyna Valeryja raśpisalisia ŭ ZAHSie Savieckaha rajona. A dalej — siurpryz.
Kali maładyja vyjšli na hanak, ich sustreli vychavancy Uładzisłava — kamanda 2016 hoda naradžeńnia. Dzieci vyrašyli pavinšavać treniera asabista i, niahledziačy na doždž, pryjechali da ZAHSa, piša Onliner.by.
«Źjaŭleńnie vychavancaŭ mianie mocna ździviła. U toj momant ja nie dumaŭ pra svajo futbolnaje žyćcio. Usie dumki byli z Valeryjaj. Tamu, nie zdahadvajučysia pra toje, što adbyvajecca za dźviaryma, vyjšaŭ, jak ni ŭ čym nie byvała. A tut taki sapraŭdny siurpryz! Inicyjatarami byli baćki. U nas družny kalektyŭ. Kali pytajucca, dzie ja pracuju, adkazvaju ź ciažkaściu. Bo treniroŭki z hetymi chłopcami dla mianie — u zadavalnieńnie. Čakaješ uvieś tydzień spabornictvaŭ na vychadnych, a paśla hulniavoha dnia čakaješ pieršych trenirovak na tydni. I tak pa kruzie», — raskazaŭ Onliner Uładzisłaŭ.
Uładzisłavu chłopcy padaryli pa łatarejnym bilecie, a Valeryi — pa kustovaj ružy. U vyniku atrymaŭsia ohoho jaki bukiet.
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty11
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary