На мінулых выходных трэнер школы футбольнага клуба «Іслач» Уладзіслаў Марозаў вырашыў свой лёс: ён і яго дзяўчына Валерыя распісаліся ў ЗАГСе Савецкага раёна. А далей — сюрпрыз.
Калі маладыя выйшлі на ганак, іх сустрэлі выхаванцы Уладзіслава — каманда 2016 года нараджэння. Дзеці вырашылі павіншаваць трэнера асабіста і, нягледзячы на дождж, прыехалі да ЗАГСа, піша Onliner.by.
«З’яўленне выхаванцаў мяне моцна здзівіла. У той момант я не думаў пра сваё футбольнае жыццё. Усе думкі былі з Валерыяй. Таму, не здагадваючыся пра тое, што адбываецца за дзвярыма, выйшаў, як ні ў чым не бывала. А тут такі сапраўдны сюрпрыз! Ініцыятарамі былі бацькі. У нас дружны калектыў. Калі пытаюцца, дзе я працую, адказваю з цяжкасцю. Бо трэніроўкі з гэтымі хлопцамі для мяне — у задавальненне. Чакаеш увесь тыдзень спаборніцтваў на выхадных, а пасля гульнявога дня чакаеш першых трэніровак на тыдні. І так па крузе», — расказаў Onliner Уладзіслаў.
Уладзіславу хлопцы падарылі па латарэйным білеце, а Валерыі — па кустовай ружы. У выніку атрымаўся огого які букет.
Цяпер чытаюць
Акадэмію КДБ будуюць проста на Залатагорскіх могілках. З зямлі дастаюць парэшткі мінчукоў, якіх тут хавалі сотні гадоў41
Каментары