Šrajbman: Mnie škada Pratasieviča, choć ja byŭ vymušany źjechać z krainy z-za taho, što jon nahavaryŭ pa telebačańni
Palityčny analityk Arciom Šrajbman parazvažaŭ u efiry «Jeŭraradyjo», navošta Łukašenku spatrebiłasia nazyvać Pratasieviča daŭnim supracoŭnikam biełaruskaj raźviedki.
«Užo daŭno biełaruskaja ŭłada ličyć, što niekatoryja rečy treba vyrašać prosta farmalnymi prastaŭleńniami ptušačak u tabličcy», — zaŭvažyŭ analityk Arciom Šrajbman.
Pakolki vyzvaleńnie Ramana Pratasieviča nie źniało ź Biełarusi jeŭrapiejskich sankcyj, nakładzienych za prymusovuju pasadku Ryanair, treba było prydumać novaje tłumačeńnie:
«Voś, my vyzvalili Sapiehu i Pratasieviča, nu, što tam jašče treba? Ach, niedastatkova? Nu, tady davajcie skažam, što Pratasievič byŭ naš, a nie vaš nasamreč. Heta, jak by, naš špijon, i tamu my apazicyjaniera nie zatrymlivali. Ja dumaju, heta tak pracuje. Prosta takoje ŭjaŭleńnie, što prablema ŭ tym, što «my apazicyjaniera zachapili». Tady skažam, što jon nie apazicyjanier», — patłumačyŭ svajo bačańnie Šrajbman.
Analityk padkreślivaje, što Pratasievič užo nastolki złamany sistemaj, što jahony status nie maje palityčnaha značeńnia. Jon pryznajecca, što sam adčuvaje škadavańnie da błohiera:
«Dumaju, što heta takaja łohika, bo inakš, što inšaha tut možna zdabyć? Pratasievič užo prynižany nastolki hetaj sistemaj, jon užo ŭ takoj situacyi, što mnie — čałavieku, jaki byŭ vymušany źjechać z krainy z-za taho, što Pratasievič nahavaryŭ pa telebačańni — užo škada hetaha čałavieka. (…) Jaho sapraŭdy staviać u takija ŭmovy, kali navat pa-čałaviečy na heta baluča hladzieć».
Pa słovach Šrajbmana, zajava Łukašenki — vymušany krok, bo papiarednija sproby vykarystać Pratasieviča nie dali žadanaha efiektu.
«Nie dumaju, što tut jość niejki inšy palityčny raźlik. Užo, viedajecie, jon dastatkova daŭ intervju i Sabčak, i Azaronku, kab užo zrazumieć, što heta nie prynižaje apazicyju ci demsiły, nikoha nie raskałvaje. Jon užo, jak by, u vašym łahiery. Tamu heta adzinaja matyvacyja, bolš-mienš umoŭna racyjanalnaja, jakuju ja mahu za hetam bačyć».
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza1
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary