Saudaŭskaja Aravija źniziła ceny na naftu dla Indyi i Kitaja, kab zamianić pastaŭki z Rasii
Jak paviedamlaje ahienctva Reuters, dziaržaŭnaja kampanija Saudi Aramco abviaściła, što sa śniežnia ŭsie marki saudaŭskaj nafty dla azijackich pakupnikoŭ patańniejuć.
Naprykład, cana asnoŭnaj marki Arab Light źnizicca na $1,2 za barel — ciapier jana budzie pradavacca z premijaj usiaho $1 da etałonnaha pakazčyka Oman/Dubai. Padobnyja źnižki ŭviedzienyja i dla inšych lohkich sartoŭ nafty, a ciažkaja nafta źmienić canu jašče bolš — na $1,4 mienš za barel.
Heta rašeńnie razhladajecca jak sproba Saudaŭskaj Aravii pryciahnuć indyjskija NPZ, jakija raniej aktyŭna zakuplali rasijskuju naftu. Asabliva ciapier, kali ŭ śniežni pačnuć dziejničać sankcyi suprać «Rasnafty» i «Łukojła», i ŭsie ździełki ź imi pavinny być zavieršanyja da 21 listapada.
Indyjskaja kampanija Reliance Industries, jakaja była hałoŭnym pakupnikom rasijskaj nafty ŭ krainie, užo ŭ kastryčniku pavialičyła zakupki ŭ Saudaŭskaj Aravii amal na 87%. Analityki miarkujuć, što novyja źnižki padšturchnuć jaje i dziaržaŭnyja NPZ Indyi jašče bolš pavialičyć abjomy zakupak.
Pavodle danych Reuters, piać bujnych indyjskich naftapierapracoŭčych kampanij užo prypynili zakupki rasijskaj nafty na śniežań. Heta Reliance Industries, Hindustan Petroleum, Bharat Petroleum, Mangalore Refinery and Petrochemicals i HPCL-Mittal Energy. Hetyja pradpryjemstvy razam składali kala 65% indyjskaha impartu rasijskaj nafty — bolš za miljon barelaŭ u dzień.
U Kitai situacyja padobnaja: dziaržaŭnyja kampanii Sinopec i PetroChina taksama admianili šerah zakupak rasijskaj nafty i aścierahajucca sankcyj. Da ich dałučylisia i pryvatnyja NPZ, jakija bajacca trapić pad mižnarodnyja abmiežavańni, jak heta adbyłosia z kampanijaj Shandong Yulong Petrochemical, uklučanaj u «čornyja śpisy» Vialikabrytanii i ES. Pavodle acenak Rystad Energy, takaja «pakupnickaja zabastoŭka» zakranuła kala 45% rasijskaha ekspartu nafty ŭ Kitaj.
Indyja paprasiła ŭ Trampa dazvołu kuplać naftu ŭ Irana i Vieniesueły, kab nie kuplać rasijskaj
Turcyja stała kuplać mienš rasijskaj nafty
Tramp zajaviŭ, što Si Czińpin pahadziŭsia dapamahčy zaviaršyć vajnu va Ukrainie
Kitajskija naftavyja kampanii prypyniajuć zakupki rasijskaj nafty praz sankcyi suprać «Rasnafty» i «Łukojła»
ZŠA rychtujuć novyja sankcyi suprać Rasii i čakajuć aktyŭnaści ad Jeŭropy
Indyja adkazała na słovy Trampa pra admovu premjera Modzi ad rasijskaj nafty
«Biełaruś pieradusim». Što viadoma pra 23‑hadovaha aficera śpiecnaza, jakoha asudzili na 19 hadoŭ za «zdradu dziaržavie»8
Kamientary