Prezident Siryi Achmied aš-Šaraa prybyŭ u Vašynhton z aficyjnym vizitam, paviedamlaje siryjskaje infarmahienctva. Vizit staŭ mahčymy paśla taho, jak Vašynhton vyklučyŭ al-Šaraa sa śpisu asob, źviazanych z teraryzmam.
Pra hetaje rašeńnie amierykanskaha ŭrada Dziarždepartamient abviaściŭ u piatnicu. Jak patłumačyŭ pradstaŭnik Dziarždepa Tomi Pihat, hety krok adlustroŭvaje «prahres, dasiahnuty siryjskim kiraŭnictvam paśla sychodu Bašara Asada i piacidziesiaci ź liškam hadoŭ represij režymu», piša BBC.
Pavodle jaho słoŭ, ciapierašnija ŭłady Siryi vykonvajuć šerah patrabavańniaŭ ZŠA — u pryvatnaści, supracoŭničajuć u pošuku amierykancaŭ, jakija prapali na siryjskaj terytoryi, i robiać namahańni pa likvidacyi zapasaŭ chimičnaj zbroi, jakija zastalisia ŭ krainie.
Raniej aš-Šaraa, jaki mieŭ suviazi z «Al-Kaidaj», ličyŭsia ŭ amierykanskim śpisie «asabliva niebiaśpiečnych mižnarodnych terarystaŭ», a za jaho zatrymańnie była pryznačana ŭznaharoda.
Siły, padtrymanyja Turcyjaj i krainami Piersidskaha zaliva, jakija ŭznačalvaje aš-Šaraa, pryjšli da ŭłady ŭ Siryi amal hod tamu, u vyniku imklivaha nastupleńnia na Damask.
U paniadziełak siryjski lidar naviedaje Bieły dom, dzie sustreniecca z prezidentam ZŠA Donaldam Trampam, jaki paabiacaŭ akazać padtrymku «novaj Siryi».
Sajuźnik ZŠA Izrail vystupaje suprać zbližeńnia z Damaskam i paśla padzieńnia režymu Asada nanios dziasiatki ŭdaraŭ pa siryjskaj terytoryi z metaj nie dapuścić pierachodu vajskovaha arsienała ŭ ruki novaha ŭrada, jaki Izrail ličyć radykałami-isłamistami.
Ciapier čytajuć
Što ciapier ź italjanskimi vizami? Masavyja admovy? Turfirmy nazyvajuć alternatyvu6
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary