Narviehija moža stać harantam jeŭrapiejskaha kredytu Ukrainie, vyłučyŭšy na heta častku svajho Suvierennaha fondu
Narviehija moža vykarystać častku svajho hihanckaha nacyjanalnaha fondu dla zabieśpiačeńnia vialikaha jeŭrapiejskaha kredytu Ukrainie. Heta moža źniać pieraškody dla vykarystańnia zamarožanych rasijskich hrošaj.
Narviehija abmiarkoŭvaje prapanovu, jakaja dazvolić Jeŭrapiejskamu sajuzu pryciahnuć kredyt dla Ukrainy ŭ pamiery bolš za 100 miljardaŭ jeŭra. Asnovaj dla zabieśpiačeńnia hetaha doŭhu moža stać častka narviežskaha nacyjanalnaha Suvierennaha fondu dabrabytu, najbujniejšaha ŭ śviecie — jon składaje €1,7 tryljona, piša The Times.
Kijeŭ adčajna maje patrebu ŭ finansavańni. Kiraŭnictva ES raniej raspracavała płan pazyčyć140 miljardaŭ jeŭra pad zamarožanyja rasijskija dziaržaŭnyja aktyvy. Adnak hetaja schiema sutyknułasia z pazicyjaj Bielhii. Mienavita ŭ Brusieli znachodzicca mižnarodny depazitaryj Euroclear, dzie zachoŭvajecca značnaja častka srodkaŭ. Bielhija aścierahajecca nastupstvaŭ i patrabuje ad krain ES padzialić ź joju palityčnyja i finansavyja ryzyki.
Kab ES moh pryciahnuć takuju bujnuju pazyku, nieabchodna istotnaje zabieśpiačeńnie na vypadak, kali Ukraina budzie nie ŭ stanie pahasić hetyja srodki.
Ideja vykarystać Narviežski suvierenny fond dabrabytu ŭ jakaści haranta nabyła papularnaść paśla taho, jak Danija i inšyja jeŭrapiejskija partniory vykazali mierkavańnie, što Narviehija, jakaja nie ŭvachodzić u ES, «nažyvajecca na vajnie», pradajučy vialikija abjomy nafty i hazu, ale akazvaje adnosna nievialikuju dapamohu.
Narviežskija ekanamisty Chavard Chałand i Knut Anton Mork prapanavali, kab kraina kampiensavała heta, pradastaviŭšy častku svajho fondu ŭ jakaści harantyi.
Ideja znajšła padtrymku ŭ narviežskim parłamiencie, dzie jaje ŭchvalili ŭžo čatyry ź dzieviaci palityčnych partyj.
Premjer-ministr Narviehii Jonas Har Store zajaviŭ, što jon adkryty dla hetaj prapanovy i daručyŭ padrychtavać adpaviedny analiz. Adnak jon adznačyŭ, što čakaje vyznačanaha sihnału ab zacikaŭlenaści z boku ES.
«Hetyja dyskusii ŭ ES jašče nie zavieršany, tamu ja nie budu kazać ničoha bolš, akramia taho, što my znachodzimsia ŭ ciesnym kantakcie ź imi», — skazaŭ Store.
Ciapier čytajuć
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»9
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1212
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch12
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1111
Kamientary
Norviehi nie dla etoho sobirali
Postav́tie siebia na ich miesto
Ničieho ličnoho