U 10‑miljonnym Tehieranie deficyt vady. Žycharoŭ papiaredzili pra mahčymuju evakuacyju
Zasucha ŭ Iranie dasiahnuła katastrafičnych maštabaŭ: kali da kanca miesiaca nie pojdzie doždž, to ŭłady abiacajuć uvieści narmavańnie vady, a kali nie budzie daŭžej — evakuiravać Tehieran.
Pra heta zajaviŭ 7 listapada prezident Irana Masud Piezieškijan, pieradaje vydańnie Bild.
Asnoŭnaja krynica pitnoj vady dla Tehierana — vadaschovišča Amir-Kabir — «źmiaščaje tolki 14 miljonaŭ kubamietraŭ vady, što składaje vosiem pracentaŭ jaho jomistaści», paviedamiŭ adkazny za vodazabieśpiačeńnie Tehierana Biechzad Parsa. Pry takim uzroŭni horad zmoža zabiaśpiečvać siabie vadoj tolki «na praciahu dvuch tydniaŭ», — papiaredziŭ jon.
U Tehieranie žyvie bolš za 10 miljonaŭ čałaviek, i jon štodnia spažyvaje kala 3 miljonaŭ kubamietraŭ vady. U jakaści miery ekanomii, pavodle paviedamleńniaŭ, u apošnija dni ŭ niekalkich rajonach Tehierana časova spyniajecca padača vady; pieraboi adbyvalisia i ŭletku.
Moža być jašče horš
Centr pa vyvučeńni Blizkaha Uschodu i hłabalnaha paradku (CMEG) u svaim apošnim analityčnym dakładzie Iran and Regional (In-)Stability & Security Briefing (IRIS) prajšoŭ da vysnovy, što kryzis vodnych resursaŭ u Iranie zakranaje nie tolki vadaschoviščy, ale i «razburanyja vodna-bałotnyja ŭhodździ i źniasilenyja padziemnyja vadanosnyja płasty krainy».
Akramia taho, niama nijakich prykmiet taho, što «iranskaje kiraŭnictva maje namier źmianić svoj kurs» i zaniacca inviestycyjami ŭ infrastrukturu, tamu situacyja, pavodle acenak ekśpiertaŭ, «budzie praciahvać paharšacca».
U dakładzie padkreślivajecca, što raniej «ekałahičny kryzis časta stanaviŭsia pryčynaj palityčnych pratestaŭ suprać režymu i jaho ŭłady». Tamu situacyja z vadoj, mahčyma, budzie mieć i palityčnyja nastupstvy.
-
«Zaličanaja pa niestandartnaj pracedury». Stała viadoma, jak ščodra padmazvaŭ Epštejn univiersitet, u jakim vučyłasia Karyna Šulak
-
Rubia ŭ apošni momant admianiŭ sustreču ź lidarami Jeŭropy ab pytańni Ukrainy
-
Studzień 2026 hoda ŭvajšoŭ u piaciorku samych ciopłych pieršych miesiacaŭ hoda ŭ śviecie. Jak heta ni dziŭna dla biełarusaŭ
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami12
Kamientary