Nie mienš za 96 svajakoŭ Ramzana Kadyrava pracujuć abo pracavali na źviazanych z uładaj pasadach, vyśvietliŭ «Prajekt» u chodzie maštabnaha daśledavańnia kumaŭstva ŭ Rasii.
Kadyraŭ — absalutny rekardsmien pa kolkaści pracujučych svajakoŭ. Dla paraŭnańnia, Uładzimir Pucin, zasnavalnik druhoj pa vieličyni kirujučaj dynastyi ŭ Rasii, dapamoh znajści źviazanuju z uładaj pracu 26 svaim svajakam (heta ŭdakładnienaja ličba, u raniejšaj publikacyi nie byli ŭličanyja dva svajaki prezidenta), paviedamlaje «Ahienctva».
Bolšaść svajakoŭ Kadyrava pracaŭładkavana ŭ respublicy. U ŭradzie Čačni jany zajmajuć amal pałovu miescaŭ — nie mienš za dzieviać z 20. Syn kiraŭnika respubliki Achmat Kadyraŭ — ministr sportu, plamieńnik Adam Čerchihaŭ — ministr transpartu, try ziaci — ministry pa spravach moładzi, sielskaj haspadarki i achovy zdaroŭja, svajak Chož-Baŭdzi Daajeŭ — ministr adukacyi, svat Abuzajd Vismuradaŭ — namieśnik staršyni ŭrada. Adnaaviaskoŭcy Kadyrava Biekchan i Hałas Tajmaschanavy zajmajuć pasady namieśnika staršyni ŭrada i kiraŭnika administracyi kiraŭnika i ŭrada.
Nie mienš za vosiem čałaviek z asiarodździa Kadyrava zajmajuć vysokija pasady na fiederalnym uzroŭni. Svaty Adam Delimchanaŭ i Sulejman Hieremiejeŭ pracujuć u Dziaržaŭnaj Dumie i Saviecie Fiederacyi adpaviedna. Adnaviaskoviec Rusłan Edielhierijeŭ pracuje pamočnikam prezidenta, svajak Eli Isajeŭ — namieśnikam kiraŭnika Fiederalnaha kaznačejstva, šuryn Achmied Ajdamiraŭ — členam praŭleńnia Rasijskaj futbolnaj premjer-lihi, ziać Jakub Zakryjeŭ — kiraŭnikom kampanii «Danon Rasija» (ciapier nazyvajecca «Łohika małaka»).
Stryječnyja braty Ades i Rusłan Bajsułtanavy pracaŭładkavalisia ŭ ministerstvach: Ades — namieśnik ministra sportu Rasii, Rusłan — pamočnik ministra aśviety.
Padrabiaźniej ich bijahrafii možna daviedacca ŭ bazie na sajcie «Prajekta».
Padrabiaźniej pra kumaŭstvo ŭ viarchach rasijskaj ułady čytajcie ŭ daśledavańni «Baćki i dziedy».
Apovied Ramana Badanina pra hałoŭnyja vysnovy hladzicie na Youtube.
Ciapier čytajuć
«Vitold kazaŭ: «Nu što vy, što vy…» A mianty paśla kryčali pra mora kryvi». Palitviazień z susiedniaj kamiery raskazaŭ pra śmierć Ašurka4
Kamientary
[Zredahavana]
Kto Oni ? Eti učastniki poślednieho parada, prostyje riebiata, Kotoryje dostihli nieba. ( iz filma "ASSA" słova pieśni). M-da ! Don-Don_Don....
NO nam tuda nie nado....
PS/ rańšie "biežiency" iz Čiečni vo Francii i Bielhii jezdili na Rodinu na svad́by ili prosto v hosti na mašinach i čieriez Tieriespol, siejčas letajut na samolotach čieriez Stambuł ili OAE v Hroznyj.