Polskija pamiežniki zatrymali dvuch hramadzian Biełarusi za niezakonny ŭvoz narkotykaŭ i psichatropaŭ. Rečyvy znajšli ŭ hruzaviku, jakim kiravaŭ adzin ź ich.
Ale jany admaŭlajuć, što pieravozili zabaronieny hruz, piša Most sa spasyłkaj na Pamiežnuju słužbu Polščy.
Hruzavy aŭtamabil, jaki ruchaŭsia ź Ispanii, pamiežniki spynili padčas płanavaj pravierki. U mašynie supracoŭniki vyjavili dva tajniki, u jakich znachodziłasia 10 pakietaŭ marychuany (vahaj amal 5 kiłahramaŭ), a taksama 16 upakovak psichatropnych lekavych preparataŭ. Košt kanfiskavanych srodkaŭ aceńvajecca bolš čym u 244 tys. złotych (57 600 dalaraŭ).
U aŭtamabili znachodzilisia dvoje hramadzian Biełarusi — kiroŭca i pasažyr. Ich zatrymali, a zatym sud prymianiŭ da ich časovy aryšt na try miesiacy. Za ŭvoz značnaj kolkaści narkatyčnych srodkaŭ z metaj atrymańnia majomasnaj abo asabistaj vyhady im pahražaje štraf i pazbaŭleńnie voli terminam da 20 hadoŭ.
Kamientary