Amierykancy kinulisia nabyvać adnu pryładu, kab mienš siadzieć u telefonie
Na Zachadzie narabiŭ šumu devajs, jaki faktyčna pieratvaraje telefon u cahlinu. Hadžet pad nazvaj Brick (cehła) dapamahaje pieramahčy zaležnaść ad smartfonaŭ za 59 dalaraŭ.
Kab skarystacca Brick, treba nabyć nievialički šery hadžet — adnoj pryłady chopić na niekalki smartfonaŭ. Potym pampujecie sabie adnajmienny dadatak i vybirajecie, jakija prahramy na telefonie vy chacieli b zabłakavać. Zastajecca tolki prykłaści telefon da pryłady.
Znoŭ skarystacca zabanienymi prahramami vy zmožacie, tolki kali paŭtorna padniesiacie telefon da hadžeta. U hetym i sens: vy možacie pakinuć hadžet u inšym pakoi, u kvatery ci ofisie. Tady, kab zajści ŭ tyja samyja prahramy, vam daviadziecca iści abo jechać pa hadžet — praściej budzie znajści sabie spravu ŭ realnym śviecie.
Brick prydumali jašče ŭ 2023 hodzie, ale zavirusiłasia prahrama ŭ apošnija miesiacy. Kaštuje ŭsio heta 59 dalaraŭ. Ciapier pra Brick pišuć bujnyja miedyja nakštałt The New York Times, a tyktokiery zdymajuć roliki, dzie raskazvajuć pra svoj dośvied karystańnia pryładaj:
Karystalniki kažuć, što dadatak dapamoh im być lepšymi baćkami i adčuvać siabie bolš ščaślivymi — usio za košt radziejšaha karystańnia smartfonam.
«Naša Niva» — bastyjon biełaruščyny
PADTRYMAĆDzieviać čałaviek pamierli ŭ Breście i Minsku — usim im uvodzili adnyja i tyja ž leki. U preparacie znajšli bakteryi5
Kamientary