«Pisk taki, nibyta ich tam tysiačy». Adzin z damoŭ Viciebska apanavali pacuki
U žycharoŭ doma № 7/1 na vulicy Čkałava ŭ Viciebsku ŭźnikła surjoznaja prablema: paśla pačatku kapitalnaha ramontu z padvała pačali masava vyłazić pacuki, zaŭvažyła BGMedia.
Ludzi kažuć, što hryzuny załaziać u kvatery praz unitaz, traplajuć u vokny i na bałkony, biehajuć pa pravadach u padjezdach, i ciapier mnohija navat bajacca vychodzić na bałkon. U śmiećciepravodzie, pa słovach adnoj žančyny, «pisk taki, nibyta ich tam tysiačy».
Pa słovach žycharoŭ, rabočyja, adkryŭšy padvał, taksama sutyknulisia z sotniami pacukoŭ i tarakanaŭ i pryznajuć, što pracavać tam niemahčyma.
Žylcy aburajucca, što kamunalnyja słužby nie vyrašajuć prablemu, a skarhi ŭ słužbu 115 vyniku nie dajuć. U domie hniły musarapravod na pieršych pavierchach, avaryjny padjezd, i ludzi nie razumiejuć, čamu pry kapramoncie robiać tolki fasad, a nie likvidujuć bolš važnyja prablemy.
Situacyja vyklikała vialiki rozhałas u sacsietkach. Ludzi dzielacca abureńniem i kažuć, što prablema nie abmiažoŭvajecca tolki hetym domam — padobnaje adbyvajecca i ŭ inšych častkach Viciebska. Niekatoryja prapanujuć źviartacca ŭ sanstancyju, a inšyja ličać, što prablema ŭźnikła tamu, što raniej kamunalniki pazbavilisia ad vuličnych katoŭ, jakija strymlivali kolkaść pacukoŭ.
Mnohija ŭpeŭnienyja: pakul nie zdarycca surjoznaja avaryja abo trahiedyja, ułady nie źviernuć uvahi. Žychary patrabujuć kompleksnaj dezynsiektyzacyi i dezaratyzacyi, ramontu kamunikacyj i realnaha reahavańnia słužbaŭ.
U Zasłaŭi čałaviek sotniami razvodzić u kvatery pacukoŭ. Susiedzi stohnuć i skardziacca
U Barysavie źniali, jak u dvary raskašujuć pacučynyja zhrai, a kamunalniki nie reahujuć VIDEA
Pa letniaj terasie minskaha restarana biehaŭ vializny pacuk VIDEA
«Pacuki ŭžo śmieła zachodziać u padjezd». U barysaŭskim šmatpaviarchoviku našeście hryzunoŭ
«Pacuki, błochi, śmiećcie, a ŽEU rapartuje, što ŭsio prybrana». Žychary Žodzina aburanyja, što musili sami ačyščać padvał
Ciapier čytajuć
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ3
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary