Łukašenka na naradzie z navukoŭcami patłumačyŭ, za što hnievajecca na «niekatorych rektaraŭ»
20 listapada, robiačy kadravyja pryznačeńni, Alaksandr Łukašenka krytyčna adazvaŭsia ab pavodzinach asobnych kiraŭnikoŭ VNU: «Niekatorych paniesła. Asabliva maładych rektaraŭ. Jany ŭžo dastukalisia da antydziaržaŭnaj palityki». Na siońniašniaj sustrečy z navukoŭcami jon raźviŭ hetu temu dalej.
«My niekatorym vučonym, jany ŭ mianie na kantroli, idučy za vašym pryncypam amaładžeńnia, dali salidnyja pasady. Naturalna, napiaredadni bujnoj padziei, jak u nas siońnia z vami razmova, ja manitoru situacyju ŭ hramadstvie. […]
I voś pryznačyli niekalki novych rektaraŭ. Nu i zrabili manitorynh u kalektyvie pierš za ŭsio — jak ža jany pracujuć. Hańbišča! Ad elemientarnaha — abnahleli, zažralisia, inakš nie skažaš — prabačcie pierad vučonymi za hety termin. Zažralisia da krajnaści! Dachodziła da taho — rektar pryznačaje naradu, prychodziać nie durniejšyja za jaho ludzi, a jon na dźvie hadziny spaźnicca moža, a moža i zusim nie pryjści. Razumiejecie, ludzi prychodziać, čakajuć rektara, a jon nie prychodzić na naradu».
Kankretnyja proźviščy asob, jakija jaho ŭhniavili, Łukašenka i hetym razam nie nazvaŭ.
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary