Łukašenka: Niekatoryja rektary dastukalisia da antydziaržaŭnaj palityki i stali carkami
Pra heta Alaksandr Łukašenka zajaviŭ 20 listapada, prymajučy kadravyja rašeńni.
Jon uzhadniŭ pryznačeńnie novych rektaraŭ u dźviuch VNU krainy. Na pasadzie rektara Biełaruskaha dziaržaŭnaha technałahičnaha ŭniviersiteta budzie pracavać Siarhiej Kaśpiarovič. Da hetaha času jon zajmaŭ pasadu rektara Bresckaha dziaržaŭnaha techničnaha ŭniviersiteta.
Na pasadu rektara Mahiloŭskaha dziaržaŭnaha ŭniviersiteta imia A.A.Kulašova ŭzhodnieny Juryj Mašyn. Raniej jon pracavaŭ na pasadzie pieršaha prarektara Biełaruska-Rasijskaha ŭniviersiteta. Źviartajučysia da novych kiraŭnikoŭ VNU, Łukašenka aryjentavaŭ ich pierš za ŭsio na dasiahnieńnie kankretnych vynikaŭ, tym bolš što ludzi jany adukavanyja, prasunutyja i pavinny sami razumieć, jakija da ich pradjaŭlajucca patrabavańni. «Rektar — heta najvialikšaja pasada. Maryć tolki možna pra takuju pracu. Usio ŭ ciabie pad rukami: pracuješ z moładździu, razumnyja, hramatnyja padnačalenyja. Patrebny vynik», — skazaŭ Alaksandr Łukašenka.
Razam z tym jon krytyčna adazvaŭsia ab pavodzinach asobnych kiraŭnikoŭ VNU. «Niekatorych paniesła. Asabliva maładych rektaraŭ. Jany ŭžo dastukalisia da antydziaržaŭnaj palityki. Jany stali «carkami» tam, va ŭniviersitecie, — źviarnuŭ uvahu jon. — Barani vas Boža ad hetaha hałavakružeńnia ad pośpiechaŭ. Pavinna być peŭnaja palityka. A to ŭ nas niekatoryja kažuć: «Na Zachadzie — voś heta da, a ŭ nas — heta nie». I ŭ toj ža čas usie vy i tyja, pra jakich ja kažu (prabačcie, nie nazyvaju siońnia proźviščy), jany ž adukacyju atrymali i vialikimi stali tut. Tamu pracujcie sumlenna, akuratna».
Kamientary