Kubrakoŭ zahadaŭ milicyi adpracavać usich tych, chto nie pracuje
Ministr unutranych spraŭ Ivan Kubrakoŭ padčas kalehii MUS 21 listapada daručyŭ milicyi pravieści pravierki ŭsich biespracoŭnych, asabliva ŭ sielskaj miascovaści, i damahčysia ich pracoŭnaha ŭładkavańnia.
«Usie, chto nie pracuje, asabliva ŭ sielskaj miascovaści, pavinny być adpracavanyja ŭčastkovym inśpiektaram milicyi. Vy adrazu ŭbačycie: hety čałaviek zajmajecca kamiercyjaj, ale nie płacić padatki, albo hety čałaviek pjanica, jaki nie traplaŭ u pole našaha zroku», — zajaviŭ Kubrakoŭ.
Pavodle jaho słovaŭ, usie, chto staić na prafiłaktyčnym uliku abo pad kantrolem kryminalna-vykanaŭčaj inśpiekcyi, abaviazkova pavinny pracavać.
Ministr adznačyŭ, što, maŭlaŭ, bolš za pałovu złačynstvaŭ ździajśniajuć ludzi, jakija nidzie nie pracujuć i nie vučacca. Tamu MUS robić akcent na pracy z takimi hramadzianami i ličyć, što patencyjał prafiłaktyki vykarystoŭvajecca nie całkam. Najčaściej jany ŭčyniajuć majomasnyja złačynstvy, bo im patrebnyja hrošy na žyćcio.
MUS prapanuje źmianić zakanadaŭstva, kab na prafiłaktyčny ŭlik stavili asobaŭ, vinavatych u chatnim hvałcie, a taksama tych, chto viarnuŭsia z ŁPP. Heta, maŭlaŭ, daść mahčymaść užyvać da ich indyvidualnyja miery prafiłaktyki. Akramia taho, prapanujecca ŭvieści administratyŭnuju adkaznaść dla tych, chto znachodzicca na ŭliku, ale nie vykonvaje patrabavańni pa pracaŭładkavańni abo lačeńni.
Piacirazovaja roźnica: paraŭnali taryfy na ŽKP dla «darmajedaŭ» i tych, chto pracuje
Ludzi ŭ šoku ad žyrovak za kastryčnik. I jany nie darmajedy
«Naiŭna spadziavalisia zarablać u Jeŭropach, pryjazdžać dadomu lačyć zuby na chalavu i zdavać kvateru». Prapahanda pačała apraŭdvać darahija žyroŭki dla «darmajedaŭ»
Kamunałku dla «darmajedaŭ» pačali naličvać pavodle novych praviłaŭ. Ludzi nie mohuć pavieryć ličbam u žyroŭkach
«Prybraŭ — štraf. Nie prybraŭ — štraf». Ludzi aburajucca zahadami nakont liścia
Ciapier čytajuć
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi4
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy8282
Kamientary