Sajuz piśmieńnikaŭ Biełarusi paviedamiŭ pra śmierć člena hetaj arhanizacyi, dziciačaha piśmieńnika Valeryja Kastručyna.
Valeryj Kastručyn naradziŭsia 26 studzienia 1952 hoda ŭ Fastavie Kijeŭskaj vobłaści ŭ siamji rabočaha.
U dziacinstvie siamja časta pierajazdžała: z Ukrainy — u Varkutu, potym u Ałtajski kraj, Kazachstan, a praź niekatory čas viarnułasia ŭ Fastaŭ. Paśla ŭ 1961 hodzie Kastručyny pierajechali ŭ Biełaruś, dzie Valeryj skončyŭ škołu, a ŭ 1970 hodzie pastupiŭ na fiłałahičny fakultet BDU.
Paśla vučoby jon pracavaŭ nastaŭnikam movy i litaratury, žurnalistam i redaktaram u dziciačych vydańniach i na telebačańni.
Pieršy tvor Valeryja Kastručyna byŭ nadrukavany ŭ 1968 hodzie ŭ časopisie «Viasiołka». U maładyja hady jaho tvorčaść padtrymali viadomyja biełaruskija dziciačyja piśmieńniki. Z taho času jaho apaviadańni, kazki i vieršy rehularna drukavalisia ŭ mnohich hazietach i časopisach.
Pieršyja knihi vyjšli ŭ 1970—1980‑ia hady, siarod ich «Biarozčyny apratki», «Łasiny hryb», «Kazki lasnoj palanki», «Cudoŭnyja astravy». Paźniej źjavilisia inšyja zborniki i sieryi, a taksama sumiesnyja fantastyčnyja tvory z Uładzimiram Ćviatkovym.
Asobnyja knihi Kastručyna pieravydavalisia niekalki razoŭ, pierakładalisia na inšyja movy. U roznych vydaviectvach vyjšli dziasiatki jaho zbornikaŭ kazak, apaviadańniaŭ i vieršaŭ, mnohija — vialikimi nakładami.
Usiaho Valeryj Kastručyn byŭ aŭtaram bolš jak piacidziesiaci knih pra pryrodu i žyvioł, ahulny nakład jakich pieravysiŭ 750 tysiač asobnikaŭ.
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska1
Kamientary