Chłopiec atruciŭsia padčas ramantyčnaj viačery ŭ restaranie. I zmoh dabicca kampiensacyi ŭ 1100 rubloŭ
Restaran viarnuŭ jamu taksama hrošy za viačeru i leki.
Pra spravu «Minsk-Navinam» raskazała Respublikanskaje tavarystva abarony pravoŭ spažyŭcoŭ, kudy źviartaŭsia pa dapamohu paciapierły.
Para schadziła na ramantyčny viečar u restaran. Nazva ŭstanovy nie nazyvajecca, viadoma tolki, što była niebiełaruskaja kuchnia. Na nastupny dzień małady čałaviek adčuŭ siabie drenna. Atručvańnie supravadžałasia bolem u žyvacie, młosnaściu, vanitami i vysokaj tempieraturaj. Chutkaja dastaviła chłopca ŭ balnicu. Na padstavie analizaŭ daktary pastavili dyjahnaz «salmanielozny enteryt siaredniaj ciažkaści». Chłopiec pravioŭ u balnicy niekalki dzion.
Ź dziaŭčynaj paśla viačery ŭsio było dobra.
Małady čałaviek źviarnuŭsia ŭ rajonny centr hihijeny i epidemijałohii pa miescy raźmiaščeńnia ŭstanovy ź piśmovaj zajavaj. U vyniku pravierki ŭ restaranie znajšli sanitarnyja parušeńni.
Paśla chłopiec apisaŭ u knizie skarhaŭ i prapanoŭ restarana toje, što ź im zdaryłasia, i prapanavaŭ viarnuć jamu hrošy za viačeru i leki i kampiensavać maralnuju škodu. Ale adkazu nie atrymaŭ. Tamu pajšoŭ u sud.
Na pieršaje pasiadžeńnie ad restarana nichto nie pryjšoŭ. Na druhim pradstaŭniki ŭstanovy ŭžo byli i prapanavali pajści na miravuju.
Restaran pahadziŭsia kampiensavać košt viačery i lekaŭ, vypłacić niaŭstojku za parušeńnie terminaŭ zadavalnieńnia patrabavańniaŭ paciarpiełaha i pahasić sudovyja vydatki tavarystva abarony spažyŭcoŭ. Taksama pahadziŭsia kampiensavać maralnuju škodu — 1100 rubloŭ.
Kamientary
Spasibo, nie nado!
Nie biełorusskuju kuchniu nužno kušať na rodinie kuchni!