Ź Biełarusi dazvalajuć vyjazdžać tolki tym litoŭskim furam, jakija zajechali ŭ krainu paśla adkryćcia miažy
Prezident asacyjacyi aŭtapieravozčykaŭ «Linava» Erłandas Mikienas paviedamiŭ, što Biełaruś dazvalaje viartacca ŭ Litvu tolki tym furam, jakija ŭjechali ŭ krainu ŭžo paśla taho, jak miaža była znoŭ adkrytaja. Tyja ž kiłamietry fur, što stajać u Biełarusi z pačatku miesiaca, pa-raniejšamu nie mohuć vyjechać: Minsk patrabuje dypłamatyčnych kansultacyj ź Vilniaj, paviedamlaje LRT.
Pavodle słovaŭ Erłandasa Mikienasa, novyja fury supravadžaje biełaruskaja mytnia da terminałaŭ, dzie jany razhružajucca, znoŭ zahružajucca i ŭ supravadžeńni viartajucca da miažy ź Litvoj. Adnak pieračapleńnie pryčepaŭ ciapier zabaronienaje, tamu pieravozčyki mohuć tolki razhruzić i zahruzić hruz u toj ža samy pryčep, što ŭskładniaje pracu i pavialičvaje ryzyku paškodžańnia tavaru.
Jon adznačyŭ, što taki paradak užo dziejničaŭ dla polskich pieravozčykaŭ, ale raniej nie było patrabavańniaŭ ab supravadžeńni da terminałaŭ.
Mikienas ličyć, što zabarona na vyjezd «starych» fur maje palityčny charaktar: Minsk choča harantyj, što Litva znoŭ nie zakryje miažu, bo raniej byli žorstkija vykazvańni z boku litoŭskaha ŭrada.
Kiraŭnik «Linavy» havoryć, što prahnazavać, kali ŭdasca viarnuć zatrymanuju techniku, niemahčyma: «Tolki Boh viedaje».
Litoŭskaja premjer-ministarka Inha Ruhinienie zajaviła, što takaja situacyja śviedčyć pra hibrydnuju ataku režymu Łukašenki. Prezident Litvy Hitanas Naŭsieda zaklikaŭ nie dramatyzavać prablemu, ale paabiacaŭ vyśvietlić pryčyny, čamu furam nie dazvalajuć viarnucca.
Litva adkryła miažu, zakrytuju z kanca kastryčnika, unačy ź sierady na čaćvier, adnak litoŭskija pieravozčyki paśla taho ŭsio jašče nie mohuć pakinuć biełaruskija stajanki.
Za dvoje sutak u Litvie pierachapili 10 kantrabandnych šaroŭ i zatrymali vosiem padazravanych
MZS Litvy zajaviła aficyjny pratest u suviazi z zatrymańniem u Biełarusi litoŭskich hruzavikoŭ
Litoŭskaja apazicyja atakuje ŭrad za toje, što miažu adkryli, a fury zastajucca ŭ pałonie
Litoŭskija hruzaviki ŭsio jašče nie pierasiakajuć miažu
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami11
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4747
Kamientary