Biełaruska vyrašyła zajmieć jeŭrapiejski pašpart — jana raskazała, jak afarmlaje hramadzianstva Rumynii

«Jany zapuścili praces»

Niahledziačy na toje, što firmy, jakija prapanujuć rumynskaje hramadzianstva, znachodziacca ŭ Rasii, a mnohija momanty, u tym liku pieravod avansu, zdavalisia sumnieŭnymi, Viera vyrašyła ryzyknuć.

U vyniku, kaža jana, jurysty svaju zadaču vykanali: «Jak by tam ni było, jany zapuścili praces. Ja atrymała identyfikacyjny numar, pa jakim na sajcie Ministerstva zamiežnych spraŭ Rumynii mahu sačyć za losam svajoj spravy. Kali jon jość u sistemie, značyć, z dakumientami ŭsio ŭ paradku», — raspaviadaje jana.

Na dadzieny momant Viera patraciła kala 4,5 tysiač jeŭra, ličačy hetuju sumu «adnosna nievialikaj» za šaniec atrymać jeŭrapiejski pašpart.

Niekatoryja kampanii prapanujuć adpravić zapyt nakont taho, na jakoj stadyi znachodzicca razhlad spravy za dadatkovyja €300 (minimum).

Ale Viera nie bačyć u hetym asablivaha sensu. Parazmaŭlaŭšy z daśviedčanymi ludźmi, jana zrazumieła, što jość jak pazityŭnyja kiejsy ŭ tych, chto nie cikaviŭsia, tak i adsutnaść vyniku ŭ tych, chto rabiŭ heta nieadnarazova.

Zamiest hoda — try

Viera raić nie daviarać abiacańniam ab atrymańni hramadzianstva za hod. Z-za vialikaha napłyvu žadajučych terminy mocna pavialičylisia. Sama jana raźličvaje, što vyklik na sumoŭje adbudziecca tolki ŭ 2026 hodzie, heta značyć praz try hady paśla padačy dakumientaŭ.

U niejki momant, pakul na sajcie MZS Rumynii nie było ruchu (abo prahresu), Viera «ŭžo źmiryłasia z dumkaj ab stracie hrošaj». Ale z pačatku 2025 hoda praces paskoryŭsia, i ciapier jana aptymistyčna hladzić u budučyniu.

Sumoŭje i moŭnaje pytańnie

Vieru apošnija źmieny ŭ zakanadaŭstvie (abaviazkovyja moŭnyja kursy ŭ Buchareście) nie zakranuli, bo jana padavała dakumienty raniej. Joj dastatkova minimalnaha vałodańnia hutarkovaj rumynskaj movaj dla sumoŭja.

Viera aktyŭna ŭziałasia za asvajeńnie movy, kali daviedałasia, što dakumienty pryniaty. Ale, uličvajučy čarhu i ŭ niejki momant navat stratu viery, usio zakinuła.

Zrešty, jana ŭpeŭniena, što zmoža lohka nahnać upuščanaje, pakolki na hutarku z konsułam zaprašajuć zahadzia — za paŭhoda. A ŭ internecie zaraz vielmi šmat anłajn-kursaŭ, jakija za dva-try miesiacy rychtujuć ludziej kankretna da sumoŭja.

Zaprašeńnie pavinna pryjści na elektronnuju poštu. Infarmacyja ab hetym źjavicca i ŭ asabistym kabiniecie na sajcie MZS.

Prachodzić sumoŭi i prysiahu možna nie tolki ŭ Buchareście i navat nieabaviazkova ŭ Rumynii. Heta možna zrabić u luboj ambasadzie hetaj krainy (papiaredziŭšy adpaviednym listom).

Mnohaje zaležyć ad šancavańnia. Mohuć być prostyja pytańni, jakija dazvalajuć realna acanić bazavyja viedy movy: «Jakoha koleru adzieńnie?», «Što znachodzicca za śpinaj?», «Jakoje siońnia nadvorje?».

Surazmoŭnica miarkuje, što ŭ firmaŭ, jakija zajmajucca afarmleńniem rumynskaha hramadzianstva, sapraŭdy jość suviazi, i jany realna rychtujuć tałmudy dakumientaŭ. Ale šancy 50 na 50 pry maralnaj hatoŭnaści rasstacca ź nieabchodnaj sumaj. 

• 6
• 1
• 4
• 7
• 3
• 1
• 0
• 0