U Baranavickim rajonie adbyłosia DTZ sa śmiarotnym vynikam: 49‑hadovy kiroŭca Toyota ź Lachavickaha rajona, jaki jechaŭ pa darozie R-5 «Baranavičy — Navahrudak — Iŭje» ŭ bok Baranavičaŭ, źbiŭ piešachoda — 42‑hadovaha žychara Vałožynskaha rajona.
Mužčyna pierachodziŭ darohu ŭ nie pryznačynym dla hetaha miescy i bieź śviatłoadbivalnych elemientaŭ, tamu ŭ ciomny čas sutak jaho było drenna vidać.
Paśla ŭdaru piešachod trapiŭ pad koły sustrečnaj hruzavoj mašyny, jakoj kiravaŭ 40‑hadovy miascovy žychar. Ad atrymanych traŭmaŭ jon zahinuŭ. Pa fakcie DTZ zaviali kryminalnuju spravu.
Jašče adna avaryja adbyłasia 23 listapada ŭ vioscy Pałanečka Baranavickaha rajona. 27‑hadovy žychar Baranavickaha rajona, kirujučy Volvo, pieravysiŭ chutkaść i nie ŭličyŭ umovy nadvorja. Mašynu zaniesła, jana vyjechała za miežy darohi i ŭrezałasia ŭ dreva. Kiroŭca atrymaŭ traŭmy.
Ciapier čytajuć
«Franak, adnosiny pamiž ludźmi mohuć budavacca nie tolki na manipulacyjach». Prakop‘jeŭ daŭ vodpaviedź Biaspałavu. I Viačorku45
Kamientary