Za atakami na rasijskija naftavyja tankiery kala ŭźbiarežža Turcyi staić SBU
Marskija drony Sea Baby atakavali ŭ Čornym mory dva padsankcyjnyja tankiery Kairos i Virat.
Na videa bačna, što paśla trapleńnia abodva tankiery atrymali krytyčnyja paškodžańni i faktyčna vyviedzieny z ładu, heta naniasie istotny ŭdar pa transparciroŭcy rasijskaj nafty, pierakazvaje zajavu krynicy «RBK-Ukraina».
Napiaredadni stała viadoma, što pažar pačaŭsia na idučym u Navarasijsk tankiery Kairos pad ściaham Hambii. Hałoŭnaje ŭpraŭleńnie pa marskich spravach Turcyi zajaviła, što tankier zahareŭsia z-za źniešniaha ŭździejańnia za 28 milaŭ ad uźbiarežža. Paśla hetaha tankier Virat, jaki znachodzicca la bierahoŭ Turcyi, paviedamiŭ pra zadymleńnie.
Dva akijaničnyja tankiery, što znachodziacca pad sankcyjami za pieravozku rasijskaj nafty, amal adnačasova paciarpieli ad vybuchaŭ kala ŭźbiarežža Turcyi; Turcyja nazvała mahčymaj pryčynaj «źniešniaje ŭmiašańnie» i abviaściła, što adzin z tankieraŭ paciarpieŭ dvojčy, piša Bloomberg.
Ministerstva transpartu i infrastruktury Turcyi zajaviła, što ranicaj u subotu sudna Virat «znoŭ źviedała napad, atrymaŭšy niaznačnyja paškodžańni pravaha borta». Pažaru na borcie niama, ekipaž pačuvajecca dobra. Vyratavalniki znachodziacca na biaśpiečnaj adlehłaści ad sudna. Sudna zastajecca stabilnym», — skazana ŭ zajavie.
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary