Si Czińpin vykazaŭ Trampu nadzieju na chutkaje parazumieńnie pa Ukrainie
Prezident ZŠA Donald Tramp i staršynia Kitaja Si Czińpin praviali telefonnuju razmovu, padčas jakoj u jakaści adnoj z tem abmiarkoŭvałasia vajna Rasii va Ukrainie.
Si Czińpin adznačyŭ padčas razmovy z Trampam, što paśla ich niadaŭniaj sustrečy ŭ Paŭdniovaj Karei adnosiny pamiž ZŠA i Kitajem raźvivajucca stabilna i pazityŭna. Jon zaklikaŭ amierykanskaha lidara praciahvać ruch u pravilnym kirunku na asnovie roŭnaści, pavahi i ŭzajemnaj vyhady, pašyrać supracoŭnictva i skaračać prablemnyja pytańni dziela bolšych pośpiechaŭ.
Asabliva była zakranutaja tema Tajvania. Si Czińpin papiaredziŭ, što viartańnie vostrava Kitaju źjaŭlajecca nieadjemnaj častkaj paślavajennaha mižnarodnaha paradku.
Razmaŭlali Tramp ź Si Czińpinam i pra Ukrainu:
«Si adznačyŭ padtrymku Kitajem usich namahańniaŭ, jakija spryjajuć miru, i vykazaŭ nadzieju, što roznyja baki zmohuć skaracić roznahałośsie, jak maha chutčej dasiahnuć spraviadlivaha, tryvałaha i abaviazkovaha mirnaha pahadnieńnia i ŭrehulavać kryzis na jaho asnovie», — adznačyli ŭ MZS Kitaja.
Raniej kitajskija čynoŭniki nieadnarazova zajaŭlali pra «niejtralnuju» pazicyju Piekina ŭ pytańni vajny Rasii va Ukrainie. Adnak u rasijskim ŭzbrajeńni ŭžo znachodzili kampanienty kitajskaj vytvorčaści. Naprykład, niadaŭna vyśvietliłasia, što Kitaj pastaŭlaje ŭ Rasiju ruchaviki dla bieśpiłotnikaŭ pad vyhladam chaładzilnikaŭ. Taksama kitajski premjer Li Cian zajaŭlaŭ pra hatoŭnaść pahłybić supracoŭnictva z Rasijaj.
Ź mirnaha płana Trampa prybrali punkt pra zamarožanyja rasijskija aktyvy
U płanie Trampa pa Ukrainie z 28 punktaŭ zastałosia 19
Źjaviŭsia płan Jeŭropy pa zakančeńni vajny va Ukrainie — poŭny tekst
Kiełah: Ja dumaju, my zmožam padšturchnuć da pahadnieńnia ŭkraincaŭ, a potym rasijan
Tramp nie ličyć svoj płan pa Ukrainie kančatkovym i hatovy jaho mianiać
Ciapier čytajuć
Siamju ź Minska buduć sudzić za zdradu dziaržavie i kantrabandu zbroi. Ich, padobna, zatrymali na miažy — voś što viadoma6
Kamientary