Прэзідэнт ЗША Дональд Трамп і старшыня Кітая Сі Цзіньпін правялі тэлефонную размову, падчас якой у якасці адной з тэм абмяркоўвалася вайна Расіі ва Украіне.
Сі Цзіньпін адзначыў падчас размовы з Трампам, што пасля іх нядаўняй сустрэчы ў Паўднёвай Карэі адносіны паміж ЗША і Кітаем развіваюцца стабільна і пазітыўна. Ён заклікаў амерыканскага лідара працягваць рух у правільным кірунку на аснове роўнасці, павагі і ўзаемнай выгады, пашыраць супрацоўніцтва і скарачаць праблемныя пытанні дзеля большых поспехаў.
Асабліва была закранутая тэма Тайваня. Сі Цзіньпін папярэдзіў, што вяртанне вострава Кітаю з’яўляецца неад’емнай часткай пасляваеннага міжнароднага парадку.
Размаўлялі Трамп з Сі Цзіньпінам і пра Украіну:
«Сі адзначыў падтрымку Кітаем усіх намаганняў, якія спрыяюць міру, і выказаў надзею, што розныя бакі змогуць скараціць рознагалоссе, як мага хутчэй дасягнуць справядлівага, трывалага і абавязковага мірнага пагаднення і ўрэгуляваць крызіс на яго аснове», — адзначылі ў МЗС Кітая.
Раней кітайскія чыноўнікі неаднаразова заяўлялі пра «нейтральную» пазіцыю Пекіна ў пытанні вайны Расіі ва Украіне. Аднак у расійскім ўзбраенні ўжо знаходзілі кампаненты кітайскай вытворчасці. Напрыклад, нядаўна высветлілася, што Кітай пастаўляе ў Расію рухавікі для беспілотнікаў пад выглядам халадзільнікаў. Таксама кітайскі прэм’ер Лі Цян заяўляў пра гатоўнасць паглыбіць супрацоўніцтва з Расіяй.
З мірнага плана Трампа прыбралі пункт пра замарожаныя расійскія актывы
У плане Трампа па Украіне з 28 пунктаў засталося 19
З'явіўся план Еўропы па заканчэнні вайны ва Украіне — поўны тэкст
Келаг: Я думаю, мы зможам падштурхнуць да пагаднення ўкраінцаў, а потым расіян
Трамп не лічыць свой план па Украіне канчатковым і гатовы яго мяняць
Пратасевіч зноў жэніцца — цяпер з таролагам Настассяй, якая працавала ў элітным медцэнтры «Мерсі»40
Каментары